Oku Turikubaasa Kwongyera Kubuurira Gye—Okutebeekanisa Ebigambo Ebi Turikutandikisa
Ahabw’Enki Ni Kikuru: Enyanjura yaitu yaaba etarikureetera ou turikubuurira kwenda kuhurikiza, naabaasa kwanga ngu tutamubuurira. N’ahabw’ekyo, ababuurizi abaingi nibatwara ebigambo ebi barikutandikisa nka bikuru munonga omu nyanjura zaabo. Zimwe aha nyanjura ezirikutuheebwa omu Obuheereza Bwaitu obw’Obukama n’akatabo Reasoning, niziba zitebeekanisiibwe omu muringo ogurikutubaasisa kukoramu empindahinduka. N’obu enyanjura yaakuba etebeekanisiibwe gye, ababuurizi nibabaasa kukoramu empindahinduka nari kutebeekanisa enyanjura endiijo. Nitwija kugira enyanjura nungi twatebeekanisa gye ebigambo ebi turikutandikisa beitu kutari kugambira ou turikubuurira ebyatwija omu biteekateeko.—Enf. 15:28.
Teeraho Kukora Eki Okwezi Oku:
Omu bwire bw’okuramya kw’eka, tebeekanisa ebigambo ebi oraatandikise kandi oyegyezemu.
Waaba ori n’ababuurizi abandi bagambire ebigambo ebi otebeekaniise kutandikisa. (Enf. 27:17) Hindura omu enyanjura yaawe yaaba etari nungi.