Entebeekanisa Ya Saabiiti Erikutandika Apuri 28

Ekyeshongoro 48 n’Okushaba

Okwega Baibuli okw’Ekibiina:

lv eshu. 6 kacw. 1-9 (Dak. 30)

Eishomero ry’Obuheereza:

Okushoma Baibuli: Okuruga 19-22 (Dak. 10)

Okweijutsya eby’Eishomero ry’Obuheereza (Dak. 20)

Oruteerane rw’Obuheereza:

Ekyeshongoro 37

Dak. 5: Tandika Kwegyesa Abantu Baibuli aha Rwamukaaga Orurikubanza. N’orubazo. Gamba entebeekanisa y’oruteerane rw’okwetebeekanisa kuza kubuurira aha Rwamukaaga orurikubanza omuri Mei, kandi ohigye boona kwejumba omu kutandika kwegyesa abantu Baibuli. Gira eky’okureeberaho orikukoresa enyanjura eri aha rupapura 8.

Dak. 15: “Turakiti Ensya Zikozirwe omu Muringo Murungi!” Ebibuuzo n’eby’okugarukamu. Gira eky’okureeberaho ky’ebicweka bibiri. Omu kicweka ekirikubanza omubuurizi arikworeka oku turikubaasa kugaba turakiti ensya enju aha nju, kandi omu kicweka ekyakabiri ayorekye oku turikubaasa kugumizamu kugaaniira n’omuntu orikwenda kumanya ebirikukiraho twaba tugarukireyo.

Dak. 10: “Vidiyo Ensya ey’Okukoresa Kutandika Kwegyesa Abantu Baibuli.” N’orubazo. Yoreka abakuhurikiize vidiyo nari bahurikiize aha rutambi. Reero oshabe abakuhurikiize kugamba emiringo endiijo ei vidiyo egi erikubaasa kukoresibwamu. Mwaba mutiine vidiyo egi, gira eky’okureeberaho kworeka oku turikubaasa kutandika kwegyesa abantu Baibuli turikukoresa akatabo Amakuru Marungi Kuruga Ahari Ruhanga! nari akatabo akandi akarikukoresibwa omu kutandika kwegyesa abantu Baibuli akariho omu kibiina kyanyu.

Ekyeshongoro 28 n’Okushaba