Entebeekanisa Ya Saabiiti Erikutandika Okitoba 7
SAABIITI ERIKUTANDIKA OKITOBA 7
Ekyeshongoro 16 n’Okushaba
□ Okwega Baibuli okw’Ekibiina:
fg eshu. 14 ekib. 1-2 (Dak. 30)
□ Eishomero ry’Obuheereza:
Okushoma Baibuli: Abaefeso 1-6 (Dak. 10)
Na. 1: Abaefeso 4:1-16 (Dak. 4 nari n’obutazihitsya)
Na. 2: Eki Kirikumanyisa Okubanza Kusherura Okuhikiirira kwa Ruhanga—Mat. 6:33 (Dak. 5)
Na. 3: Mbwenu shi Amadiini Goona Gahikire?—rs-E rup. 323 kacw. 3-5 (Dak. 5)
□ Oruteerane rw’Obuheereza:
Dak. 10: Oku Turikubaasa Kugaba Magaziini Omuri Okitoba. Okuhikaanisa ebiteekateeko. Koresa edakiika emwe nari ekicweka ky’edakiika kworeka ahabw’enki magaziini zirikubaasa kushemeza abantu omu kicweka kyanyu. Bwanyima, orikukoresa ebicweka ebirikuhikaana n’omutwe gwa Watchtower, shaba abakuhurikiize kugamba ebibuuzo ebi abantu barikwenda kutunga eby’okugarukamu byabyo, reero obashabe n’okugamba ebyahandiikirwe ebi barikubaasa kukoresa. Ba nikwo waakora na Awake! kandi obwire bwakubaasisa n’ekicweka ekindi kimwe aha biri omuri emwe ahari magaziini ezo. Yoreka oku buri magaziini erikubaasa kugabwa.
Dak. 10: Ebyetengo by’ekibiina.
Dak. 10: Abo Abarikukora n’Amaani. (1 Tes. 5:12, 13) Buuza abareeberezi babiri. Baine bujunaanizibwa ki omu kibiina? Babaasize bata kuhikiiriza obujunaanizibwa obu n’obujunaanizibwa obu baine aha murimo n’omu maka gaabo? Babaasize kwebembeza bata omurimo gw’okubuurira? Ab’omu maka gaabo nibabahwera bata?
Ekyeshongoro 42 n’Okushaba