Entebeekanisa Y’enteerane Z’obuheereza

Saabiiti Erikutandika Okitoba 13

Ekyeshongoro 15

Dak. 10: Ebirango by’ekibiina. Gamba aha ntebeekanisa y’ekibiina kyanyu eya kampeyini y’omutaano ey’okugaba kaaturakiti kutandikana na Okitoba 20, kandi higa boona kutunga bwa turakiti obu baaba batakabutungire. Omu bugufu, gamba aha nyanjura eza Watchtower eya Sebutemba 1 hamwe na Awake! eya Sebutemba eziri aha rupapura 8. Obu ababuurizi baingi batwire nibagaba zaamagaziini omu saabiiti ezihingwire, shaba abakuhurikiize kugamba aha kyabaireho omu kuzigaba.

Dak. 35: “Entebeekanisa Nsya ey’Enteerane z’Ekibiina.”a Nk’oku obwire buraakubaasise, shoma ebyahandiikirwe ebyorekirwe kandi shaba abakuhurikiize kubigambaho.

Ekyeshongoro 26

Saabiiti Erikutandika Okitoba 20

Ekyeshongoro 12

Dak. 5: Ebirango by’ekibiina. Ebirango ebimwe kuruga omu Obuheereza Bwaitu obw’Obukama.

Dak. 20: Guma Oine Okushemererwa omu Kubuurira. Orubazo orurikugaruramu amaani orurikuruga omuri The Watchtower eya Gyuraayi 1, 2005, aha rupapura 24-25 akacweka 11-17. Buuza omubuurizi omwe nari babiri abamazire obwire buraingwa nibaheereza Yehova. N’enki ekirikubahwera kuguma baine okushemererwa abantu baaba bataikiriize ebi barikubuurira?

Dak. 20: Tebeekanisa Kugaba Watchtower eya Okitoba 1 na Awake! eya Okitoba. Bwanyima y’okugamba kakye ahari magaziini ezi, shaba abakuhurikiize kugamba aha bizirimu ebirikubaasa kushemeza munonga abantu baingi omu kicweka eki murikubuuriramu. Bashabe kugamba n’enshonga ahabw’enki. Shaba abakuhurikiize kugamba ekibuuzo eki barikwenda kukoresa, n’ekyahandiikirwe ekirimu eki batebeekaniise kukoresa omu kugaba zaamagaziini ezi. Omugambi ahendere arikworeka oku buri magaziini erikubaasa kugabwa, arikukoresa enyanjura eziri aha rupapura 8 nari endiijo nyanjura erikubaasa kukora gye omu kicweka eki murikubuuriramu.

Ekyeshongoro 22

Saabiiti Erikutandika Okitoba 27

Ekyeshongoro 11

Dak. 5: Ebirango by’ekibiina. Shoma ripoota ey’eby’empiiha z’ekibiina n’ebaruha erikworeka ngu ezaayohereziibwe aha ofiisi y’eitaagi zikahikayo.

Dak. 10: Ebyetengo by’ekibiina.

Dak. 30: “Okweyegyesa Baibuli Hamwe n’Okwega Baibuli okw’Eka Ni Kukuru!”b Nk’oku obwire buraakubaasise, shoma ebyahandiikirwe ebyayorekwa kandi shaba abakuhurikiize kubigambaho.

Ekyeshongoro 21

Saabiiti Erikutandika Novemba 3

Ekyeshongoro 13

Dak. 10: Ebirango by’ekibiina. Amakuru g’ebya Siyokurasi. Yijutsya ababuurizi kuhayo ripoota z’okubuurira eza Okitoba.

Dak. 20: Eishomero ry’Obuheereza erya 2009. Omureeberezi orikwebembera eishomero kuhikaanisa ebiteekateeko n’abahurikiize aha Ishomero ry’Obuheereza erisya nk’oku biri ahansi y’omutwe “Eby’Okukuratira” oguri aha rupapura oruriho Entebeekanisa y’Eishomero ry’Obuheereza eya 2009. Ta omutima aha mpindahinduka ezikozirwemu. Higa boona kufayo kutebeekanisa gye n’okubaho kuha embazo zaabo, kugamba aha bikuru eby’omu kushoma Baibuli okwa buri saabiiti, n’okugyendera aha buhabuzi obu omureeberezi orikwebembera eishomero arikuha buri saabiiti arikwiha omu kitabo Benefit From Theocratic Ministry School Education.

Dak. 15: Yongyera Kuboneza ‘Okwegyesa’ Kwawe. Omureeberezi orikukora aha by’obuheereza nari omureeberezi ondiijo otoorainwe naija kutoorana enshonga itaano nkuru ezirikutwarirwa omu kwegyesa gye azigambeho omu bugufu nk’oku zirikworekwa omu kacweka 5-18 aha rupapura 9-12 omuri Watchtower eya Jenwari 15, 2008. Buuza omubuurizi omwe nari babiri abaahwereirwe ebiri omu bucweka obwo kwongyera kuboneza okwegyesa kwabo.

Ekyeshongoro 4

[Obugambo obw’Ahansi]