Ebirango

◼ Sebutemba: Akatabo Niki Eki Baibuli Buzima Erikwegyesa? nikaija kukoresibwa. Teeraho kutandika kwegyesa omuntu Baibuli aha murundi gw’okubanza kugaaniira nawe. Abu orikubuurira baaba baatungire akatabo aka, boorekye oku karikubaasa kubagasira, orikubooreka omu bugufu oku barikubaasa kwega Baibuli. Okitoba: Zaamagaziini The Watchtower na Awake! Oraayorekye ngu naayenda kumanya ebirikukiraho, muhe kaaturakiti Okaayenzire Kweyongyera Kumanya Ebirikukwata Ahari Baibuli? kandi mukagaaniireho oine ekigyendererwa ky’okutandika kumwegyesa Baibuli. Novemba: Akatabo Niki Eki Baibuli Buzima Erikwegyesa? Teeraho kutandika kwegyesa abantu Baibuli. Akatabo Okumanya nikabaasa kuheebwa abantu bakeeshomere. Desemba: Ekitabo The Greatest Man Who Ever Lived. Abaraabe baine abaana, bahe ekitabo Learn From the Great Teacher.

◼ Obu Novemba erimu wiikenda itaano eziijwire, nikuza kuba kuri okwezi kurungi okw’okukoreramu nka payoniya omuhwezi.

◼ Orubazo rwa boona orw’omutaano orw’omu bwire bw’Ekiijutsyo ekya 2009 nirwija kuheebwa omu saabiiti erikutandika ebiro 20 Apuri, 2009. Omutwe gwarwo nigwija kutumanyisibwa obundi. Ebibiina ebiraije kuba bitaayaayiirwe omureeberezi orikutaayaayira ebibiina nari ebiriba biine oruteerane oruhango omuri wiikenda egyo, biryatunga orubazo orwo orw’omutaano omu saabiiti erikurataho. Orubazo orwo tirushemereire kuheebwa omu kibiina kyona esaabiiti erikutandika ebiro 20 Apuri, 2009 etakahikire.

◼ Ebibiina bishemereire kutandika kushaba ebitabo ebirimu Watchtower nari Awake! ez’omwaka gwona eza 2008, Watch Tower Publications Index 2008, na Watchtower Library​—2008 Edition eri aha CD-ROM omu kushaba ebitabo okuraakurateho. Endimi ezi ebitabo ebi biraabe birimu niziija kworekwa omu baruha eine omutwe “Ekirango Ahari Ebibiina Byona,” erikwoherezibwa buri kwezi. Nyabura ’we, yetegyereze ngu Watchtower Library​—2008 Edition n’ey’ab’eishe-emwe ababatiziibwe kandi neebaasa kutungwa kurabira omu kibiina honka. Ababuurizi abarikukoresa munonga Watchtower Library kandi abatakikoresa ebitabo ebirimu Watchtower nari Awake! ez’omwaka gwona, bashemereire kureeba yaaba bashemereire kubishaba.

◼ Omuntu otoorainwe omureeberezi orikwebembera akakiiko k’abareeberezi ashemereire kubara ebitabo by’empiiha z’ekibiina eby’okwezi kwa Gyuni, Gyuraayi, na Agusto. Omuntu omwe, tashemereire kukoresibwa omu kubara ebitabo emirundi mingi ekurataine. Eki kyaheza kukorwa, kishemereire kurangwa omu kibiina ripoota y’eby’empiiha z’ekibiina eraakurateho yaaheza kushomwa.​—Reeba Instructions for Congregation Accounting (S-27).