Entebeekanisa Y’enteerane Z’obuheereza

Saabiiti Erikutandika Agusto 11

Ekyeshongoro 3

Dak. 10: Ebirango by’ekibiina. Shaba abakuhurikiize kugamba bimwe aha biri omuri zaamagaziini ensya ebirikubaasa kushemeza abantu omu kicweka eki murikubuuriramu. Shaba abakuhurikiize kworeka zimwe aha nshonga ezirimu ezi barikuteekateeka kukoresa. Ni kibuuzo ki eki barikubaasa kubuuza omuntu okutandika kugaaniira nawe? Ni kyahandiikirwe ki ekirikubaasa kumushomerwa? Gira eby’okureeberaho kworeka oku ebi abakuhurikiize baagamba birikubaasa kukoresibwa.

Dak. 15: Kora Ebi Ruhanga Akunda​—Otaine Kirikukuhuzya. Orubazo kuruga omu katabo “Come Be My Follower,” orupapura 93-94, akacweka 12-13.

Dak. 20: “Nookoresa Byona Ebiri omuri Watchtower ey’Okugaba omu Kubuurira?”a Buuza omubuurizi omwe otungire ebirungi kuruga omu kukoresa bimwe aha biri omuri The Watchtower ey’okugaba omu kubuurira. Omu ky’okureeberaho naabaasa kworeka nk’oku byagyenzire. Kandi, kuruga omu kacweka 2, yoreka oku omutwe “Eki Turikwegyera Ahari Yesu,” kuruga omuri The Watchtower eya Agusto 1 nari ensya eraabe eriho, gurikubaasa kukoresibwa okutandika kwegyesa omuntu Baibuli.

Ekyeshongoro 25

Saabiiti Erikutandika Agusto 18

Ekyeshongoro 5

Dak. 10: Ebirango by’ekibiina. Ebirango ebimwe kuruga omu Obuheereza Bwaitu obw’Obukama. Gamba ahari “Puroguramu y’Oruteerane rw’Ekyanga Orwa 2009.” Ranga ebiro by’oruteerane rw’ekyanga ku oraabe waabimanyire. Yijutsya abakuhurikiize kwija na Watchtower eya Agusto 1 hamwe na Awake! eya Agusto omu Ruteerane rw’Obuheereza oruraakurateho kandi betebeekaniise kugamba oku magaziini ezi zirikubaasa kugabwa omu kicweka eki murikubuuriramu.

Dak. 20: Oku Turikuba Tujwaire kandi Tweboneize Nikuhaisa Yehova Ekitiinisa. Orubazo rw’okuheebwa omureeberezi. Ahabw’okugira ngu Yehova ni Ruhanga orikwera, abantu be nibafayo munonga aha bwecumi bw’aha mubiri. (Kur. 30:17-21; 40:30-32) Twaba tujwaire gye kandi tweboneize gye namunonga turi omu kubuurira, nitushemeza Yehova kandi tumuhaisa ekitiinisa. (1 Pet. 2:12) Kwonka, ku turikwanga kukora ekyo nitubaasa ‘kujumisa ekigambo kya Ruhanga.’ (Tit. 2:5) Ha eky’okureeberaho ky’omubuurizi omu kicweka kyanyu nari ekiri omu bitabo byaitu owaareetaire abantu kumuhurikiza ahabw’okujwara gye.

Dak. 15: Eminyeeto Abarikubuurira n’Omujinya. Orubazo rw’okuhiga abazaire hamwe n’abaana baabo abari haihi kugaruka ah’ishomero. Yijutsya abato kukoresa buri mugisha gwona kubuurira. Nk’oku obwire buraakubaasise, shaba abakuhurikiize kugamba aha ku baabuuriire bari ah’ishomero.

Ekyeshongoro 27

Saabiiti Erikutandika Agusto 25

Ekyeshongoro 7

Dak. 15: Ebirango by’ekibiina. Shoma ripoota y’eby’empiiha z’ekibiina n’ebaruha erikworeka ngu ezaayohereziibwe aha sosayate zikahikayo. Gamba ahari “Puroguramu y’Oruteerane Oruhango orw’Ekiro Kimwe Orwa 2009” kandi orangye n’ebiro byarwo waaba noobimanya.

Dak. 15: Ebyetengo by’ekibiina.

Dak. 15: Tebeekanisa Kugaba Watchtower eya Agusto 1 na Awake! eya Agusto. Okuhikaanisa ebiteekateeko n’abakuhurikiize. Gamba kakye ahari zaamagaziini ezi kandi shaba abakuhurikiize kugamba bimwe aha bizirimu ebirikubaasa kushemeza abantu b’omu kicweka eki murikubuuriramu. Ni kibuuzo ki kandi ni kyahandiikirwe ki ekirikubaasa kukoresibwa kwanjura ebicweka ebi baagambaho? Yoreka oku enyanjura kuruga omu Obuheereza Bwaitu obw’Obukama erikubaasa kukoresibwa. Omu bugufu, omwe aha bareeberezi ayorekye enyanjura ei atebeekaniise arikwihirira aha bizirimu erikubaasa kukukora gye omu kicweka eki murikubuuriramu.

Ekyeshongoro 18

Saabiiti Erikutandika Sebutemba 1

Ekyeshongoro 16

Dak. 10: Ebirango by’ekibiina. Yijutsya ababuurizi kuhayo ripoota z’okubuurira eza Agusto. Amakuru g’Ebya Siyokurasi.

Dak. 20: Bari Bonka Kwonka Nibateebwaho Omutima. Orubazo kuruga omuri Watchtower eya Apuri 15, 2008, orupapura 25-28. Gamba bamwe aha Bakristaayo ab’omu kibiina kyanyu abarikutuura omu myanya erikureebererwamu abakaikwire eri omu kicweka kyanyu. Ku haraabe hatariho ori omu myanya nk’egyo, koresa emisingye eri omuri Watchtower egi kuhiga ekibiina kuhwera abo boona abaine amagara mabi nari shi abatarikubaasa kwejumba omu mirimo y’ekibiina.

Dak. 15: Tandika Kwegyesa Omuntu Baibuli aha Murundi gw’Okubanza Kumutaayaayira Omuri Sebutemba. Okuhikaanisa ebiteekateeko n’abakuhurikiize. Omuri Sebutemba nituza kugaba akatabo Eki Baibuli Erikwegyesa kandi tuteereho kugaaniira n’omuntu aha bucweka bukye aha murundi gw’okubanza. Raba omu nyanjura eziri aha kapapura k’omunda ak’omu Our Kingdom Ministry eya Jenwari 2006, kandi yoreka omuringo gumwe nari ebiri oku turikubaasa kutandika kwegyesa omuntu Baibuli aha murundi gw’okubanza.

Ekyeshongoro 8

[Obugambo obw’Ahansi]