Okweijutsya Eby’Eishomero ry’Obuheereza

Ebibuuzo ebiri ahaifo nibiija kugarukwamu omu Ishomero ry’Obuheereza ery’esaabiiti eraatandike Agusto 25, 2008. Orikwebembera eishomero naija kukoresa edakiika 30 okuraba omu byayegirwe kuruga Gyuraayi 7 kuhika Agusto 25, 2008.

EMIRINGO MIRUNGI EY’OKUGAMBAMU

1. Nitubaasa tuta kukoresa obwengye twaba nitubuurira abandi amazima? (Fil. 4:5, NW) [be rup. 251 kacw. 3]

2. Oku Paulo yaabuuriire Abagriika b’omuri Areopaago nikubaasa kutuhwera kuta twaba nitubuurira abo abatarikwikiririza mu Baibuli? (Byak. 17:22, 23) [be rup. 252 kacw. 1-2]

3. N’obu twakuba nituhamya ngu ebi omuntu ou turikubuurira yaagamba tibihikire, nitubaasa kworeka tuta obwengye twaba nitugamba nawe? [be rup. 253 kacw. 1-2]

4. Twaba nituteeraho kukoresa ebigambo ebirikushendashenda, n’enki eki tushemereire kuguma nitwijuka? [be rup. 255 kacw. 3, akabokisi]

5. Nitubaasa tuta kukoresa okwetegyereza twaba nituteeraho kuhika aha mutima gw’ou turikubuurira? (Enf. 20:5) [be rup. 258 kacw. 1-5]

ORUBAAZO NA. 1

6. Banyaanyazi-itwe bashemereire kuguma nibaijuka ki baaheebwa orubazo kuruha barikwihirira aha ntebeekanisa ebahairwe? [be rup. 44 kacw. 5-6]

7. N’enki eki ab’eishe-emwe bashemereire kuteeraho kuhikiiriza baaba nibooreka ebikuru kuruga omu kushoma Baibuli okwa buri saabiiti? (Neh. 8:8) [be rup. 47 kacw. 2-3]

8. Ow’eishe-emwe ashemereire kwebembera ata ekicweka ekimuhairwe ekiri omu Ruteerane rw’Obuheereza ekirimu okworeka eby’okureeberaho nari okubuuza omuntu? [be rup. 49 kacw. 5]

9. Ekitabo kya Ebyakozirwe nikyoreka kita omuringo gw’okubuuriramu hamwe n’ahu kushemereire kugarukira? (Byak. 20:20, 21; 28:23) [si rup. 204 kacw. 35]

10. Orikuha orubazo rwa boona naabaasa kukora ki okuhamya ngu Baibuli niyo buhamizo bw’orubazo rwe? (Byak. 17:2, 3) [be rup. 52 kacw. 6–rup. 53 kacw. 2]

OKUSHOMA BAIBULI OKWA BURI SAABIITI

11. Ahabw’enki omurinzi w’ekihome Omufilipi yaabaire naayenda “kwerezya”? (Byak. 16:25-27) [w90 5/15 rup. 25, akabokisi]

12. Aristariiko na Gaayo bakatwaza bata barikuhiiganisibwa? (Byak. 19:29; 20:4, 5) [w08 2/15 rup. 10 kacw. 16-17]

13. Okugira ngu Saulo akaba ‘naateera emigyere aha mihunda’ kikaba nikimanyisa ki? (Byak. 26:14) [w03 10/1 rup. 32]

14. ‘Ekibi kikatungira kita obwiho’ kurabira omu kiragiro eki Ruhanga yaahaire Abaisraeli? (Rom. 7:8, 11) [w08 6/15 “Ekigambo kya Ruhanga Kiine Amagara​—Ebikuru Kuruga omu Kitabo kya Abarooma”]

15. ‘Niturunda tuta amakara g’omuriro’ aha mutwe gw’omuzigu? (Rom. 12:20) [w08 6/15 “Ekigambo kya Ruhanga Kiine Amagara​—Ebikuru Kuruga omu Kitabo kya Abarooma”]