Entebeekanisa Y’enteerane Z’obuheereza

Saabiiti Erikutandika Gyuni 9

Ekyeshongoro 3

Dak. 10: Ebirango by’ekibiina. Orikukoresa enyanjura eziri aha rupapura 6 nari ezindi ezirikukora gye omu kicweka eki murikubuuriramu, yoreka oku twakugaba Watchtower eya Mei 1 na Awake! eya Mei.

Dak. 20: Oku Orikubaasa Kwetebeekanisa Kwegyesa Omuntu Baibuli. Orubazo kuruga omu Our Kingdom Ministry aka Agusto 2004, aha rupapura 1. Aha muheru gw’orubazo, gira eky’okureeberaho ky’omubuurizi otarikutwara bwire aketebeekanisa yaaba naza kwegyesa omwegi we wa Baibuli. Bwanyima ondiijo mubuurizi ayorekye oku arikwetebeekanisa obwo arikukuratira obuhabuzi oburikuba buri omu Obuheereza Bwaitu obw’Obukama.

Dak. 15: “Mubuurire Mutarikureka.”a Nk’oku obwire buraakubaasise, shaba abakuhurikiize kugamba aha byahandiikirwe ebijuriziibwe.

Ekyeshongoro 29

Saabiiti Erikutandika Gyuni 16

Ekyeshongoro 14

Dak. 10: Ebirango by’ekibiina. Ebirango ebimwe kuruga omu Obuheereza Bwaitu obw’Obukama. Yijutsya abakuhurikiize kwija na Watchtower eya Gyuni 1 hamwe na Awake! eya Gyuni omu Ruteerane rw’Obuheereza oruraakurateho, kandi batebeekanise kugamba aha nyanjura ezi barikwenda kukoresa.

Dak. 15: Yoreka Omugasho gw’Amakuru Marungi. Orubazo n’okuhikaanisa ebiteekateeko n’abakuhurikiize kuruga omu kitabo Ministry School, aha rupapura 159. Shaba abakuhurikiize kugamba aha ebintu ebirikukira kukwata aha bantu obunaku obu, omu kicweka eki murikubuuriramu. Bashabe kworeka oku turikubaasa kugamba aha bintu ebi omu nyanjura zaitu.

Dak. 20: “Eka Yaawe Neyetebeekanisiza Okuhonaho?”b Nk’oku obwire buraakubaasise, shaba abakuhurikiize kugamba aha byahandiikirwe ebijuriziibwe.

Ekyeshongoro 11

Saabiiti Erikutandika Gyuni 23

Ekyeshongoro 18

Dak. 10: Ebirango by’ekibiina. Shoma ripoota y’eby’empiiha z’ekibiina n’ebaruha erikworeka ngu ezaayohereziibwe aha sosayate zikahikayo. Gamba ebitabo ebiragabwe omuri Gyuraayi, kandi omu ky’okureeberaho kimwe, yoreka oku enyanjura emwe erikubaasa kukoresibwa.

Dak. 20: Okukora nka Payoniya​—Nikureeta Obunanukye omu Magara! Orubazo kuruga omuri Watchtower, eya Jenwari 15, 2008 aha rupapura 17-19. Ku haraabe hariho baapayoniya babiri, omusya n’ogwo omazire emyaka mingi arikuheereza, nibabaasa kubuuzibwa. Bashabe kugamba oku batungire obunanukye ahabw’okuheereza nka baapayoniya.

Dak. 15: Tebeekanisa Kugaba Zaamagaziini Ensya. Okuhikaanisa ebiteekateeko n’abakuhurikiize. Bwanyima y’okugamba omu bigufu aha biri omu Watchtower eya Gyuni 1 na Awake! eya Gyuni, buuza abakuhurikiize kugamba obucweka oburikubaasa kushemeza abantu omu kicweka eki murikubuuriramu hamwe n’enshonga ahabw’enki. Shaba abakuhurikiize kworeka zimwe aha nshonga ezirimu ezi barikuteekateeka kukoresa. Ni kibuuzo ki eki barikubaasa kubuuza omuntu okutandika kugaaniira nawe? Ni kyahandiikirwe ki ekirikubaasa kumushomerwa? Orikukoresa enyanjura eziri omu Obuheereza Bwaitu obw’Obukama nari ebiteekateeko ebi abakuhurikiize baaha, yoreka oku buri magaziini erikubaasa kugabwa.

Ekyeshongoro 10

Saabiiti Erikutandika Gyuni 30

Ekyeshongoro 24

Dak. 10: Ebirango by’ekibiina hamwe n’Amakuru g’Ebya Siyokurasi. Yijutsya boona kuhayo ripoota zaabo ez’okubuurira eza Gyuni.

Dak. 20: Oku Turikubaasa Kuboneza omu Muringo ogu Turikugambamu. Orubazo hamwe n’okuhikaanisa ebiteekateeko n’abakuhurikiize kuruga omu kitabo Ministry School aha rupapura 62, akacweka 4, kuhika aha muheru gw’orupapura 64. Mubigambeho murikubihikaanisa n’ekicweka eki murikubuuriramu. Omu bigufu buuza omubuurizi orikumanya kureetera abantu kugaaniira nawe omu kubuurira enju aha ndiijo nari omu kubuurira kitaraariire.

Dak. 15: Noijuka? Okuhikaanisa ebiteekateeko n’abakuhurikiize kuruga omuri Watchtower, eya Apuri 15, 2008, aha rupapura 29.

Ekyeshongoro 5

Saabiiti Erikutandika Gyuraayi 7

Ekyeshongoro 22

Dak. 5: Ebirango by’ekibiina.

Dak. 25: “Obwire bw’Okurisibwa Yehova Hamwe n’Okushemererwa.” N’eky’okwebemberwa omuhandiiki w’ekibiina. Gamba oruteerane orw’ebiro bishatu oru ekibiina kyanyu kiraazemu. Mweijutsye ebiri omu kabokisi “Eby’Okweijutsya Ebirikukwata aha Ruteerane orw’Ebiro Bishatu.”

Dak. 15: “Ou Turikubuurira Yaaba Naagamba Orurimi Orundi.”c N’orw’okuheebwa omureeberezi orikukora aha by’obuheereza. Ku oraahikye aha kacweka 2, manyisa ekibiina kyanyu ebibiina ebirikugamba endimi ezindi ebirikubuurira omu kicweka eki murikubuuriramu. Gamba entebeekanisa ezitairweho kugira ngu mubaase kukwatanisa n’ebibiina ebyo omu murimo gw’okubuurira.

Ekyeshongoro 4

[Obugambo obw’Ahansi]