Entebeekanisa Y’enteerane Z’obuheereza

Saabiiti Erikutandika Mei 12

Ekyeshongoro 12

Dak. 10: Ebirango by’ekibiina. Ebirango ebimwe kuruga omu Obuheereza Bwaitu obw’Obukama. Orikukoresa enyanjura eziri aha rupapura 4 nari ezindi ezirikukora gye omu kicweka eki murikubuuriramu, yoreka oku twakugaba Watchtower eya Apuri 1 na Awake! eya Apuri.

Dak. 15: Nitubaasa Kugumisiriza Okugyezibwa okw’Omuringo Gwona! Orubazo kuruga omu Watchtower, eya Gyuni 15, 2005, orupapura 30-1. Shaba ababuurizi abamwe kugamba aha ku Yehova abahwereire kwemera oburemeezi.

Dak. 20: Noobaasa Kuheereza nka Payoniya Omuhwezi omu Kihuumuro? Okuhikaanisa ebiteekateeko n’abakuhurikiize. Mweyijutsye ebiri omu katabo Organized, aha rupapura 112-13, ogambe aha birikwetengyesa okuheereza nka payoniya omuhwezi. Shaba abarikukora abaakoreise ekihuumuro kyabo kuheereza nka payoniya omuhwezi kugamba aha migisha ei baatungire. Shaba abarikushoma abaaheereize nka baapayoniya abahwezi omu kihuumuro kugamba aha ku abandi baabahigire kandi bakabahwera. Okuheereza nka payoniya omuhwezi kukabahwera kuta okuhama omu by’omwoyo? Baakatungamu migisha ki? Higa abo boona abarikubaasa, okuheereza nka baapayoniya omu bwire bw’ekihuumuro.

Ekyeshongoro 17

Saabiiti Erikutandika Mei 19

Ekyeshongoro 1

Dak. 10: Ebirango by’ekibiina. Gamba aha Biri omu Kabokisi k’Ebibuuzo.

Dak. 15: Ebyetengo by’ekibiina.

Dak. 20: “Obutungi Nibubaasa Kuba Obwawe!”a Gamba aha birikwetengyesa okubaasa kuheereza nka payoniya omuhwezi, ebirikushangwa aha rupapura 113-14 omu katabo Organized. Abo abarikwenda kuheereza nka baapayoniya kutandika na Sebutemba 1 bashemereire kuhayo okushaba kwabo juba.

Ekyeshongoro 22

Saabiiti Erikutandika Mei 26

Ekyeshongoro 28

Dak. 10: Ebirango by’ekibiina. Shoma ripoota y’eby’empiiha z’ekibiina n’ebaruha erikworeka ngu ezaayohereziibwe aha sosayate zikahikayo. Yijutsya ababuurizi kuhayo ripoota z’okubuurira eza Mei. Orikukoresa enyanjura eziri aha rupapura 4 nari ezindi ezirikukora gye omu kicweka eki murikubuuriramu, yoreka oku twakugaba Watchtower eya Mei 1 na Awake! eya Mei.

Dak. 15: “‘Mwekorere Omugamba Gwangye.’”b Nk’oku obwire buraakubaasise, shaba abakuhurikiize kugamba aha byahandiikirwe ebyayorekwa.

Dak. 20: Gaba akatabo Eki Baibuli Erikwegyesa omuri Gyuni. Orubazo n’eby’okureeberaho. Raba omu nyanjura ezimwe eziri aha kapapura ak’omunda aka Obuheereza Bwaitu obw’Obukama aka Jenwari 2006. Omu ky’okureeberaho, yoreka oku akatabo karikubaasa kugabwa na bwanyima oku twakubaasa kugarukayo twine ekigyendererwa ky’okutandika kwegyesa omuntu Baibuli.

Ekyeshongoro 7

Saabiiti Erikutandika Gyuni 2

Ekyeshongoro 9

Dak. 10: Ebirango by’ekibiina.

Dak. 20: Ab’Ebikorwa by’Obwesigwa Nibatunga Emigisha Mingi. (Enf. 28:20) Orubazo n’okuhikaanisa ebiteekateeko n’abakuhurikiize kwebemberwa omuhandiiki w’ekibiina. Omu bigufu, yoreka oku Yehova ahaire omugisha ekibiina kyanyu ahabw’amaani agu mwataireho kwongyera aha buheereza bwanyu omuri Maaci, Apuri, na Mei, kandi basiime. Gamba omubaro gw’abaaheereize nka baapayoniya abahwezi, abantu abaatandikire kwega Baibuli, n’ebintu birungi ebindi ebyakozirwe omu kubuurira. Shaba abakuhurikiize kugamba aha by’okureeberaho ebirikukwata aha Kiijutsyo hamwe n’ahari kampeyini y’okugaba obupapura bw’okweta abantu aha Kiijutsyo. Eby’okureeberaho birungi munonga ebyabaire nibibaasa kworekwa. Omu bigufu, buuza ababuurizi babiri nari bashatu aha bikwatiraine n’emigisha ei batungire ahabw’okuheereza nka payoniya.

Dak. 15: “‘Yeteekateekyere Omurimo Gwona Omurungi.’”c Shaba abakuhurikiize okugamba aha ku barikwetebeekanisiza kuza kubuurira enju aha nju n’obu barikuzayo.

Ekyeshongoro 25

[Obugambo obw’Ahansi]