Ebi Turikubaasa Kugamba Turikugaba Zaamagaziini

The Watchtower Mac. 1

“Buri izooba nituhurira ebirikukwata aha kubonabona, endwara, n’okufa. Nooteekateeka ngu nitwija kucungurwa kuruga omuri ebi byona? [Tegyereza agarukyemu.] Orunyiriri oru omu Baibuli ruhaire obukaikuru bw’abantu amatsiko. [Shoma Yohaana 3:16.] Magaziini egi neegamba aha ‘Ku Okufa kwa Yesu Kurikubaasa Kukucungura.’”

Awake! Mac.

“Nooteekateeka ngu okutiina ebitarikubaasa kubaho n’okw’akabi nari tikwine nshonga? [Tegyereza agarukyemu.] Baibuli erimu ebigambo ebi ebirikushemeza. [Shoma Isaaya 65:11.] Ebiri ahansi y’omutwe ogu nibyoreka yaaba okutiina ebitarikubaasa kubaho nikwikirizana n’enyegyesa ya Baibuli.” Mworekye ebirikutandikira aha rupapura rwa 10.

The Watchtower Apu. 1

“Tokaayenzire kureeba obunabi obu nibuhikirizibwa? [Shoma Isaaya 2:4 reero otegyereze agarukyemu.] Yetegyereze ngu Ruhanga naija kutaaha omu nshonga z’abantu kandi ‘azishoboorore.’ Baibuli neeyoreka ngu Ruhanga naija kurwana orutaro orurikwetwa Haramagedoni oruraije kumaraho entaro zoona. Magaziini egi neeshoborora eki Haramagedoni erikumanyisa n’enshonga ahabw’enki tushemereire kugitegyereza.”

Awake! Apu.

“Nooteekateeka ngu nitubaasa kuba turi omu bunaku oburikushobororwaho aha? [Shoma 2 Timoseo 3:1-4 reero otegyereze agarukyemu.] Hariho enshonga nungi eshemereire kutureetera kufayo kumanya ebirikukwata aha biro by’emperu ahabw’okuba okubaho kwabyo nikworeka ngu hariho ebintu birungi ebibiikiirwe ensi. Magaziini egi nebishoboororaho.”