Okweijutsya Eby’Eishomero ry’Obuheereza

Ebibuuzo ebiri ahaifo nibiija kugarukwamu omu Ishomero ry’Obuheereza ery’esaabiiti eraatandike Agusto 27, 2007. Orikwebembera ishomero naija kukoresa edakiika 30 kuraba omu byayegirwe kuruga Gyuraayi 2 kuhika Agusto 27, 2007.

EMIRINGO MIRUNGI EY’OKUGAMBAMU

1. Nitubaasa kworeka tuta ngu nituha abandi ekitiinisa twaba nitubuurira na twaba turi omu nteerane z’ekibiina? [be rup. 192 bucw. 2-4]

2. N’enki ekirikwetengyesa twaba turi ab’okworeka ngu titurikubanganisa aha bi turikuba nitugamba? [be rup. 196 bucw. 1-3]

3. Ni buhabuzi ki oburaije kutuhwera kukoresa obwengye twaba nitubuurira? [be rup. 198 bucw. 1-5]

4. Okukoresa obwengye nikitwariramu kita okugambira ahi kirikwetengyeseza twaba nitubuurira? (Enf. 25:11) [be rup. 199 bucw. 1-3]

5. Nitubaasa kuha tuta embazo zaitu omu muringo gurikugaruramu amaani? [be rup. 203 kacw. 3–rup. 204 kacw. 1]

ORUBAZO NA. 1

6. N’enki ekirikubaasa kugambwa aha ky’okugira ngu Ezekieli niwe yaahandiikire ekitabo ekiine eiziina rye, otwariiremu n’okugira ngu kihikire kubarirwa omu Byahandiikirwe? [si rup. 133 kacw. 3]

7. Ni mutwarize ki ogu omuntu ashemereire kugira yaaba ari ow’okwemera obutari buringaaniza? [w05 6/1 rup. 29 kacw. 4]

8. Nitwega ki aha muringo ogu Yesu yaagarukiremu Abasadukaayo abaamubuurize ebirikukwata aha kuzooka? (Luka 20:37, 38) [be rup. 66 kacw. 4]

9. Orikwegyesibwa Baibuli nari omuramya mutaahi waawe yaabuuza eki ashemereire kukora omu nshonga emwe, oshemereire kumugarukamu ota? [be rup. 69 bucw. 4-5]

10. N’enki ekirikutwarirwa omu ‘kuhindurwa musya omu mwoyo gw’obwengye bwawe’? (Efe. 4:23) [be rup. 74 kacw. 4]

OKUSHOMA BAIBULI OKWA BURI SAABIITI

11. Omuri Ezekieli 9:2-4, omushaija ojwaire ebijwaro bya kitaani n’oha, kandi ‘akamanyiso ak’aha buso bw’abantu’ nikamanyisa ki? [w88 9/15 rup. 14 kacw. 18]

12. Abeebembezi b’ediini ab’omuri Kristendomu nibashushana bata na ‘baanabi b’ebifa-mutima, abaabaire bakuratira eby’omu mitima yaabo’ abarikugambwaho omuri Ezekieli 13:3? [w99 10/1 rup. 13]

13. Omu kucwa “enfumu” eri omuri Ezekieli 18:2, n’enki eki Abaisraeli baabaire nibateeraho kukora, kandi n’eishomo ki erikuru eririkukwata aha kucwerwa orubanja eriri omu kyahandiikirwe eki? [w88 9/15 p. 18 kacw. 10]

14. Ni mu muringo ki ogu Ezekieli yaahindukiremu “ekiteta” obu Yerusaalemu yaagotwa kandi ekacwekyerezibwa? (Ezk. 24:27; 33:22) [w03 12/1 rup. 29]

15. “Googi [ow’]omu nsi ya Magoogi” niwe oha, kandi ni ryari obu arikuza kuteeraho kucwekyereza abantu ba Yehova? (Ezk. 38:2, 16) [w97 3/1 rup. 14 kacw. 1–rup. 15 kacw. 3]