Okweijutsya Eby’Eishomero ry’Obuheereza
Ebibuuzo ebiri ahaifo nibiija kugarukwamu omu Ishomero ry’Obuheereza ery’esaabiiti eraatandike Gyuni 25, 2007. Orikwebembera ishomero naija kukoresa edakiika 30 kuraba omu byayegirwe kuruga Mei 7 kuhika Gyuni 25, 2007. [Yetegyereze ngu ahu bataayoreka ah’okwiha eby’okugarukamu ekibuuzo, nikiza kukwetengyesa kubyesherurira.—Reeba Ministry School, rup. 36-7.]
EMIRINGO MIRUNGI EY’OKUGAMBAMU
1. Nitubaasa kworobya tuta enyama z’aha maraka gaitu kugira ngu eiraka ryaitu rihurirwe gye twaba nitugamba? [be rup. 185 bucw. 1-3]
2. Nitubaasa kuhinduka tuta ‘byona ahari boona’ twaba nitubuurira? (1 Kor. 9:20-23) [be rup. 186 bucw. 2-4]
3. Nitubaasa kutooreza tuta eky’okureeberaho kya Yehova omu kuhurikiza abandi? (Kut. 18:23-33; 1 Bag. 22:19-22) [be rup. 187 bucw. 1-2, 5]
4. Ni miringo ki ei turikubaasa kuhweramu abandi kweyongyera omu maisho omu by’omwoyo? [be rup. 187 kacw. 6–rup. 188 kacw. 3]
5. Ahabw’enki tushemereire kufayo kuha abandi ekitiinisa? [be rup. 190 kacw. 3, akabokisi]
ORUBAZO NA. 1
6. Ahabw’enki tushemereire kuteeraho kuhika aha mitima y’abu turikwegyesa? [be rup. 59 kacw. 1]
7. Eky’okureeberaho kyaitu nikihwera kita abu turikwegyesa? [be rup. 61 kacw. 1]
8. Nitubaasa tuta kwongyera kushemeza aha ku turikuganiira n’ab’omuka? [be rup. 62 kacw. 3]
9. Ni ky’okureeberaho ki eky’obumanzi eki turikushanga omuri Yeremia? [si rup. 129 kacw. 36]
10. Ni bwesigye ki oburikushangwa omu kitabo kya Okutonzya, kandi nikituhwera kita okwetegyereza oku Yehova araacwere ababi orubanja? [si rup. 132 kacw. 13]
OKUSHOMA BAIBULI OKWA BURI SABIITI
11. Okurugiirira aha ku Yehova yaareebereire Yeremia nk’oku Yeremia 37:21 harikworeka, nitubaasa kugira bwesigye ki?
12. N’enki ekyakuba kyareetaire Baruki kugira ngu Yehova akaba ‘amwongyeire aha busaasi,’ ekyamureetaire ‘okutsinda,’ kandi akabanza kureeba ata oburemeezi bwe? (Yer. 45:1-5)
13. Ni ryari obu abantu baarekyera aho kutuura omuri Babulooni, ‘ekahindukira kimwe eihamba’? (Yer. 50:13)
14. Ni musingye ki ogukwatiraine n’okushaba ogurikworekwa gye omu Okutonzya 3:8, 9, 42-45?
15. Ekigaari ekirikushoboororwaho omuri Ezekieli eshuura 1 nikimanyisa ki?