Okweijutsya Eby’Eishomero ry’Obuheereza

Ebibuuzo ebiri ahaifo nibiija kugarukwamu omu Ishomero ry’Obuheereza ery’esaabiiti eraatandike ebiro 26 Febwari, 2007. Orikwebembera ishomero naija kukoresa edakiika 30 kuraba omu byayegirwe kuruga 1 Jenwari kuhika 26 Febwari, 2007. [Yetegyereze ngu ahu bataayoreka ah’okwiha eby’okugarukamu ekibuuzo, nikiza kukwetengyesa kubyesherurira.​—Ministry School, rup. 36-7.]

EMIRINGO MIRUNGI EY’OKUGAMBAMU

1. Ni ryari obu tushemereire kworeka oku turikubaasa kuta omu nkora ebiri omu rubazo, kandi eki kishemereire kukorwa mu muringo ki? [be rup. 158 bucw. 2-4]

2. Ahabw’enki ni kikuru okuhwera abandi kureeba oku barikubaasa kugasirwa ebi turikubegyesa, kandi eki nitubaasa kukikora tuta? [be rup. 159 bucw. 3-4]

3. Ahabw’enki ni kikuru okubanza twateekateeka aha bigambo ebi turaakorese? [be rup. 160]

4. N’enki ekiraatuhwere kukoresa ebigambo by’emiringo mingi kandi omu muringo oguhikire? [be rup. 161 bucw. 5-6; rup. 162 bucw. 1, 4]

5. Ni birungi ki ebirikuruga omu kuha orubazo orikurwiha omu mutwe nari aha rupapura? [be rup. 166 bucw. 1-3]

ORUBAZO NA. 1

6. Okutebeekanisa orubazo orw’okushoma nikutwariramu ki? [be rup. 43 bucw. 2, 4]

7. Ni kintu ki ekikuru ekirikwetengyesa twaba turi ab’okugira rukundo nk’ei Yehova ainiire ekihikire na rwango ei ainiire ekigwire? (Heb. 5:14) [w05 1/1 rup. 9 kacw. 11]

8. Tushemereire kwijuka ki twashoma ekintu omu Baibuli kikatureetera okubangaanisa yaaba Ruhanga yaatwarize omu muringo ogw’oburingaaniza nari oguhikire? [w05 2/1 rup. 24 kacw. 7]

9. Tushemereire kukora ki haabaho obutaikirizana ahagati y’ebiragiro bya Ruhanga n’eby’abantu? [w05 4/15 rup. 12 kacw. 9]

10. Isaaya naagamba ata aha Bukama bwa Mesia n’ahari Yohaana Omubatizi? [si rup. 123 kacw. 35]

OKUSHOMA BAIBULI OKWA BURI SAABIITI

11. “Ekirikushweka” ‘n’eky’okwetwekyerera’ ebirikugambwaho omuri Isaaya 25:7 nibimanyisa ki?

12. Abantu nibabaasa ‘kureeba’ Yehova bata kandi ‘nibamuhurira’ bata? (Isa. 30:20, 21)

13. Kihikire nari Kigwire: Hezekia akagamba ebiri omu shaara erikushangwa omuri Isaaya 38:3 ahabw’okwenda kuhangaara.

14. Ni mu muringo ki ogu Abaisraeli baabaire nibabaasa kuba baakareebi ba Yehova, kandi nitubaasa kubatooreza tuta? (Isa. 43:10)

15. Nk’oku obunabi burikworeka omuri Isaaya 52:11, 12, omuntu naayetenga kukora ki yaaba ari ‘ow’okwekorera ebintu bya Mukama’?