Ruhanga n’Oha?

Kuruga obu abantu baabaho, batwire nibaramya baaruhanga baingi. Kwonka, Baibuli neegamba ahari Ruhanga omwe ori “mukuru okukira baaruhanga boona.” (2 Obusingye 2:5) Niwe oha? Niki ekirikumureetera kukirira kimwe baaruhanga abandi boona abu abantu barikuramya? Omu ishomo eri, yetegyereze oku Ruhanga ogu arikukwemanyisa.

1. Eiziina rya Ruhanga ni riiha, kandi nitubaasa kuhamya tuta ngu naayenda ngu turimanye?

Ruhanga naatwemanyisa kurabira omu Baibuli. Naagira ati: “Niinye Yehova.” (Shoma Okuruga 6:2, 3.) Eiziina “Yehova” nirivunuurwa kuruga omu Ruheburaayo eririkubaasa kumanyisa ngu “Naareetera Kuba.” Yehova naayenda ngu tumanye eiziina rye. (Okuruga 3:15) Ekyo nitubaasa kukihamya tuta? Omu Baibuli eiziina rye ririmu emirundi erengire 7,000!a Eiziina Yehova n’erya ‘Ruhanga ow’omu iguru ahaiguru n’omu nsi ahansi.’—Eky’Ebiragiro 4:39.

2. Baibuli neetumanyisa ki ahari Yehova?

Baibuli neegira ngu ahari baaruhanga abandi boona abu abantu barikuramya, Yehova niwe Ruhanga wenka ow’amazima. Ahabw’enki? Ahabw’enshonga nyingi. Yehova aine obushoboorozi oburikukirayo, kandi niwe wenka ori ahaiguru ya buri kimwe omu nsi yoona. (Shoma Zaaburi 83:18.) Niwe “ow’Obushoboorozi Bwona,” ekirikumanyisa ngu aine amaani g’okukora buri kimwe eki arikwenda kukora. Niwe ‘yaahangire byona’ ebiri omu iguru n’omu nsi. (Okushuuruurwa 4:8, 11) Yehova okutashushana n’ondiijo weena, atwire ariho, kandi naija kugumaho ebiro byona.—Zaaburi 90:2.

3. Ruhanga aine ebitiinisa bingi, kwonka eiziina rye ni rimwe

Kureeba entaaniso y’ekitiinisa ky’omuntu n’eiziina rye, zaana VIDIYO, kubaasa kugarukamu ekibuuzo ekirikukurataho.

VIDIYO: Ebitiinisa ni Bingi, Kwonka Eiziina ni Rimwe (0:41)

• Ekitiinisa nka “Mukama” nikitaana kita n’eiziina?

Baibuli neeyoreka ngu abantu nibaramya baaruhanga baingi n’abakama baingi. Shoma Eky’Ebiragiro 10:17, kubaasa kugarukamu ekibuuzo eki:

• N’oha orikwetwa “Ruhanga wa baaruhanga” kandi “Mukama w’abakama”?

4. Yehova naayenda ngu omanye eiziina rye kandi orikorese

VIDIYO: Mbwenu shi Ruhanga Aine Eiziina?​—Ekicweka kya Vidiyo (3:11)

• Ahabw’enki nooteekateeka ngu Yehova naayenda ngu eiziina rye rimanywe?

Yehova naayenda ngu abantu bakorese eiziina rye. Shoma Abarooma 10:13, kubaasa kugarukamu ebibuuzo ebi:

• Okukoresa eiziina rya Ruhanga Yehova, ni kikuru kita?

• Nooyehurira ota omuntu yaijuka eiziina ryawe kandi akarikoresa?

• Nooteekateeka ngu Yehova naayehurira ata waakoresa eiziina rye?

5. Yehova naayenda ngu omwirire haihi obe munywani we

VIDIYO: Oku Naasherwire Ruhanga Ohikire (8:18)

• Okumanya eiziina rya Ruhanga kikareetera Soten kwehurira ata?

Otakanywanire omuntu, butoosha noobanza waamanya eiziina rye. Shoma Yakobo 4:8a, kubaasa kugarukamu ebibuuzo ebi:

• Yehova naakuhiga kukora ki?

• Okumanya eiziina rya Ruhanga n’okurikoresa nikibaasa kukuhwera kita kumwirira haihi?

OMU BUGUFU

Yehova n’eiziina rya Ruhanga ow’amazima wenka. Naayenda ngu tumanye eiziina eryo kandi turikorese kubaasa kumwirira haihi.

Okweijutsya

• Yehova naataana ata aha baaruhanga abandi boona abu abantu barikuramya?

• Ahabw’enki tushemereire kukoresa eiziina rya Ruhanga?

• Niki ekirikworeka ngu Yehova naayenda ngu omwirire haihi?

JUMBURA EBINDI

Shwijuma enshonga itaano ezirikutuhamiza ngu hariho Ruhanga.

“Hariho Ruhanga?” (Eky’aha mukura)

Yetegyereze ahabw’enki okwikiriza ngu Ruhanga atwire ariho kirikukora amakuru.

“N’oha Owaakozire Ruhanga?” (Omunaara gw’Omurinzi, Agusto 1, 2014)

Yetegyereze ahabw’enki twine kukoresa eiziina rya Ruhanga, n’obu turaabe tutarikumanya oku ryabaire niryaturwa ira.

“Yehova n’Oha?” (Eky’aha mukura)

Kiine enshonga shi oku turikweta Ruhanga kwona? Reeba ahabw’enki turikubaasa kugira ngu aine eiziina rimwe ryonka eri arikwetwa.

“Ruhanga Aine Amaziina Angahi?” (Eky’aha mukura)