ESOMO 37
Ebyo eBiblia ikabugha oko mwatsi w’omubírí n’oko w’esyofranga
Wanabirihangya-hangya busana n’omubírí kutse busana n’esyofranga? Kyanganatukalako eribana ebyo tulaghireko kandi itunemuramya Yehova ngoko atolere eriramibwa. EBiblia ikatuha amahano awuwene awangatuwatikya.
1. EBiblia ikabugha yitiki oko mwatsi w’omubírí?
OMungu anzire itwatsemera omubírí wetu. EBiblia ikabugha yiti “busana n’omundu sihali ekibuya ekilabire . . . n’eriyibwira ati omubírí wiwe ni mubuya.” (Omugambuli 2:24) Yehova akakola omubírí n’omuhwa. Omughulu tukakwama emibere ya Yehova omwikola n’omuhwa, tukamutsemesaya n’eryo itwayowa ndeke.
Omubírí ni w’omughaso. Aliwe, siritolere eriyiragho mo w’omughaso munene kutsibu kulenga eriramya eryo tukaha Yehova. (Yoane 6:27) Yehova akatulagha ati omughulu tukamuhira embere, akatuha ebyo tulaghireko kinya-mubiri.
2. Eribya n’amalengekania awuwene oko mwatsi w’esyofranga niki?
Nomo eBiblia ikanabugha yiti “esyofranga ni buteya,” yikatasyatuhana yiti esyofranga sisa sisyangatuletera obutseme. (Omugambuli 7:12) Busana n’ekyo, omo mwanya w’erituhana eryanza esyofranga tukahanawa “eritsemera ebyo tuwite.” (Musome Abaebrania 13:5.) Omughulu wosi owo tukabya itunatsemere ebyo tuwite, tukayilusaya omo bukobe bw’eribya tukahangya-hangya busana n’erisonda eriyira bindu bingyi. Tukayikakiraya oko madeni matya-matya. (Emisyo 22:7) Tukayihighula oko kitegho eky’emilaghe y’amabehi ey’eribugha ambu omundu anganabya muteke luba-luba butsira erikola omubírí n’omuhwa.
3. Twangakolesya esyofranga syetu syo tuti n’omutima w’erihitya?
Yehova ni Mungu oyukahitaya, netu tukigha erikwama emibere yiwe omughulu “tukahitaya ndeke, n’erisangira ebindu byetu n’abandi.” (1 Timoteo 6:18) Twanganakolesya esyofranga syetu syo ndeke omwiwatikya endeko, n’omwiwatikya abandi bandu abali omo bwagha, kutsibu-tsibu abaramya balikyetu. Yehova akatsema omughulu tukahitaya. Ekikamutsemesaya kutsibu si b’obungyi by’ebyo tulyahitaya aliwe ekiryatukuna erihitya. Omughulu tukahitaya erilua oko mutima, tukabya n’obutseme kandi tukatsemesaya Yehova.—Soma Emibiri 20:35.
WIGHE BINGYI
Ulangire endundi ey’erihira omubírí w’omo mwanya owatolere n’eritsemera ebyo tuwite.
4. Uhe Yehova y’olukengerwa omo nzira eyo ukakolamo omubírí waghu
Litolere obwira bwetu haghuma na Yehova ibwatukuna eribya n’amalengekania awuwene oko mwatsi w’omubírí. Mulebaye EVIDEO, neryo musubiraye oko mabulyo awakwamire.
Omo video, niki kyo kyamakutsemesya omughulu wamalangira amalengekania n’emighendere ya Jason eyo akahingira?
Mwakolaki atoke erihira omubírí w’omo mwanya wagho?
Musome Abanya Kolosai 3:23, 24, neryo musubiraye oko ribulyo rino:
Busanaki eribya n’amalengekania awuwene oko mubírí ni ry’omughaso?
Omubírí ni w’omughaso. Aliwe siritolere tukaleka omubírí abye w’omughaso munene kulenga eriramya eryo tukaha Yehova
5. Eritsemera ebyo tuwite rikatuletera endundi
Abandu bangyi banzire eribana esyofranga nyingyi ngoko bangatoka. Aliwe eBiblia siyirituhana yitya. Musome 1 Timoteo 6:6-8, neryo musubiraye oko ribulyo rino:
EBiblia ikatuhana erikolaki?
Twanganatsema nomo twangabya ituwite bindu bike. Mulebaye EVIDEO, neryo musubiraye oko ribulyo erikwamire.
Niki kyo kikaleka ebihanda ebi ibyabya n’obutseme nomo bitawite oko syofranga nyingyi?
Tubughe tutiki twamabya ituwite oko bindu bingyi kandi itukinanzire eribana ebingyi kutsibu? Yesu mwabugha omusyo owakakanganaya ngoko hali ehatari. Musome Luka 12:15-21, neryo musubiraye oko ribulyo rino:
Omusyo wa Yesu amakwighisyaki?—Usome omulondo 15.
Musome n’erilinganisya Emisyo 10:22 ne 1 Timoteo 6:10. Neryo musubiraye oko mabulyo ano:
Ukalengekanaya uti omwatsi w’omughaso munene wo wahi? Eribya n’obwira obuwene haghuma na Yehova kutse eribya n’esyofranga nyingyi? Busanaki?
Ni bitsibu byahi ebyangasira omwisonda eribya n’esyofranga nene?
6. Yehova akendituha ebyo tulaghireko
Eribula omubírí n’esyofranga lyanganatuwatikya erilangira nga tunayiketere Yehova kutse iyehe. Mulebaye EVIDEO erilangira ekyo twangakola omughulu tuli omo maligho ayo, neryo musubiraye oko mabulyo awakwamire.
Omo video, mughala wetu mwalola oko maligho wahi?
Mwakolaki atoke erikinda amaligho ayo?
Musome Matayo 6:25-34, neryo musubiraye oko ribulyo rino:
Yehova akalagha abakamuhira embere omo ngebe yabo boki?
ABANDU BALEBE BAKABUGHA BATI: “Ngakola omubírí n’omuhwa nyitoke eriha ekihanda kyaghe ky’ebyo kilaghireko. Sinangatoka eriya oko mihindano y’endeko k’obuli yenga.”
Erisako lyahi lyo lyamakuwatikya erilangira ngoko erihira eriramya lya Yehova ly’embere ry’eriyisogha eryuwene kundu?
MUKIGHA MYATSI YAHI?
Omubírí w’ekinya-mubiri n’esyofranga ni by’omughaso, aliwe sibitolere bikatulengemerya okwikolera Yehova.
Eriyibukya
Ekyangakuwatikya erilola embere omwibya n’amalengekania awuwene oko mubírí niki?
Eritsemera ebyo uwite lyangakuletera endundi yahi?
Wangakangania wuti ngoko uyiketere endaghane ya Yehova ey’eriha abandu biwe b’ebyo balaghireko?
EBINDI EBY’ERIMINYA
Lebaya eBiblia nga yikanabugha yiti eriyira esyofranga ni kibi.
“Esyofranga yo na nzuko y’ebibi byosi?” (Omwatsi w’oko jw.org)
Wighe ngoko twangakolesya esyofranga syetu tutoke eritsemesya oMungu.
Erikola oko bitsange by’esyofranga lyanganabya mw’ehatari?
“Amalengekania w’eBiblia oko bitsange by’esyofranga” (Amuka!, Mwezi wa 3, 2015)
Ulangire ekyakuna omulume mughuma erileka erikola oko bitsange by’esyofranga n’eriba.