Eritangirirya ekitswe 13

Yesu mwasa oko kihugho atoke eriherera engebe yiwe busana n’abandu abatahika-hikene. Nomo anahola, mwakinda ekihugho. Yehova abya mutaleghula oko Mughala wiwe neryo mwamulubukya. Erihika okw’ihola liwe, omw’iyikehya Yesu mwakolera abandi kandi iniakabaghanyira bamabikola amakosa. Yesu abere abilubuka, mwahulukira abigha biwe. Mwabaha omubiiri mukulu w’erikola kandi mwakangiriryabo ngoko bangakolagho. Wamabya ighuli mubuti, watikaya omwana waghu eriminya ngoko netu munabwire tutolere itwakola oko mubiiri oyo.