Ngoko wangaminya amaana w’ebinywa by’erisosekania ebiri omo Biblia

Omo Biblia muli ebinywa by’ekisosekanio kandi kikanakala oko basomi bangyi eriminya amaana wabyo. (Mat. 13:13) Neryo niki kyo kyangakuwatikya eriminya amaana w’ebinywa by’ekisosekanio ebyo ebiri omo Biblia? Uterikolesya esyonzira hino:

• Uyikase eriminya omwatsi owakakanibawako n’eriminya ngakasosekanibawa naki. Ng’eky’erileberyako, Eribisulirwa 3:3 ikasosekanaya eryasa lya Yesu (omwatsi owakakanibawako) n’eryasa ly’omwibi (ekisosekanio).

• Uyikase eriminya omwatsi owakasosikanibwa ng’asosene ati n’ekisosekanio. Busanaki omwatsi oyo mwakasosekanibawa n’ekindi kindu, ebyosi bibiri bisosene biti?

• Uyikase eryowa enzumwa ngoko yine. Erisosana eriri omo kati-kati k’omwatsi mukulu n’ekisosekanio, bikanaleka omundu iniowa omwatsi omo nzira eyiteyo. Omo ky’erileberyako ekiri aho ndata, Yesu syalyasa erisyiba. Omo mwanya w’ekyo, eryasa liwe likasosekanibawa n’eryasa ly’omwibi kundi rikendisyabya ry’eritsumbukania ngoko omwibi naye syalilagha, akatsumbukanaya.