Ngoko wangibuka Amasako

Naghu kikanakuhikira iwatibuka amasako malebe w’omo Biblia agho wanzire kutsibu? Ryanganabya erisako erikakusikaya mutima, erikakuwatikaya erikinda amalengekania mabi, kutse eryo wanzire eribwira oghundi mundu. (Esy. 119:11, 111) Tukanaye oko mahano malebe awangakuwatikya eribya ukibuka amasako.

• Ubye ukakolesya e JW Library^®. Omo JW Library, wanganakola a catégorie n’erihako erina “Amasako agho nanzire,” neryo omo mwanya oyo imo wabya ukabika amasako wosi agho wanzire eribya ukibuka.

• Ubye ukahira erisako aho wangalangiralyo luba. Uhandike oko karatasi kw’erisako eryo wanzire eryibuka, n’erihirako aho ukendibya ukakalangira kangyi-kangyi. Abandi bakahirako oko luhimbo, n’abandi oko kiyo. Ihabya n’abandi, abakahamba efoto erisako eryo banzire, neryo ibahirayo omo ordinatere kutse omo telefone yabo.

• Ubye ukakolesya ehiratasi hike-hike. Uhandike ebinywa by’erisako oko luhande lughuma lw’akaratasi, n’erisako oko lundi luhande. Neryo iwalebya nga wanganibuka ebinywa ebyo omwilebya erisako lisa, kutse nga wanganibuka erisako eryo omw’ilebya ebinywa bisa.