Kokkinakis anemutonda ne Grèce: Droit réservé
Erilua endata oko luhande lw’amalembe ngoko emikuki y’esaha yikaghenda: Abakulu b’emyatsi y’ehilasi omo Virginie de l’Ouest banemutonda na Barnette; Kokkinakis anemutonda ne Grèce; Taganrog LRO n’abandi banemutonda n’oBurusi; Cha anemutonda ne Korea y’Endina
ENGEBE Y’OMUKRISTO
“Erilwira nʼerihangania Engulu Yowene”
Omughulu esyonzighu syasonda erighania Abaisraeli eritasyahimba ehekalu, abahimbi mubayikasa eribana ehamuli y’erilolya omubírí w’embere. (Ezr 5:11-16) Abakristo ko bakanakola batya munabwire erilwira nʼerihangania Engulu Yowene. (Flp 1:7) Busana n’ekyo oko 1936, oko Bwikalo Bukulu bw’Abimiri ba Yehova mubatsukisya Ebiro eyikalebaya eby’emighambo. Munabwire, Ebiro eyo yikalwira oko myatsi y’Obwami omo kihugho kyosi. Ebiro eyo yabiriwatikya yiti omubírí w’Obwami n’eriletera abandu b’oMungu b’endundi?
MULEBAYE EVIDEO ERIPOTI Y’EBIRO EYIKALEBAYA EBY’EMIGHAMBO EY’OKO BWIKALO BUKULU, NERYO MUSUBIRAYE OKO MABULYO ANO:
Ni syombanza syahi esyo Abimiri ba Yehova babirihindana nasyo omo myatsi y’emighambo?
Ni syombanza syahi esyo twabirisinganako? Teka eky’erileberyako
Obuli mughuma w’okw’itwe angakolaki ‘erilwira nʼerihangania Engulu Yowene’?
Oko jw.org, twangabana hayi emyatsi eyilebirye emighambo eyikatula oko bandu b’oMungu n’eyikakanaya oko Bimiri ba Yehova ababohirwe busana n’obwikirirya bwabo?