ESOMO 34
Twangakangania tuti ngoko twanzire Yehova?
Unemulangira nga wabiryanza Yehova yo kutsibu kulenga omughulu watsuka erigha eBiblia? Unanzire erilola embere eriwatya obwira bwaghu haghuma naye? Byamabya bitya, wibuke ngoko omughulu Yehova akalangira ukakulya olwanzo lwaghu okw’iye, naye akakwanza kutsibu, akakuteghaya n’erikutsomana. Wangakangania wuti ko umwanzire?
1. Tukakanganaya Yehova ko tumwanzire yo tuti?
Tukakanganaya ngoko twanzire Yehova twamabibya tukamwowa. (Soma 1 Yoane 5:3.) Syalikasa omundu erimwowa. Aliwe, akaha obuli mundu y’obwiranda bw’erisombola ngakendimusikya kutse iyehe. Busanaki? Yehova anzire itwamwowa ‘n’omutima wosi.’ (Abanya Roma 6:17) Ni bughambu, anzire iwamwowa, butsira kundi litolere iwamwowa, aliwe kusangwa umwanzire. Ekihande 3 ne 4 ebye kitabu kino bihandikire erikuwatikya erikangania ngoko wanzire Yehova omwikola ebikamutsemesaya n’eriyikakirya okwikola ebitemutsemesaya.
2. Busanaki erikangania Yehova ko tumwanzire lyanganakala?
“Omundu oyutunganene akaghalawa omo maligho mangyi.” (Esyonyimbo 34:19) Itwe bosi tukalwa n’eritendihika-hikana lyetu. Kandi tukanabula esyofranga, itwakolerwa muhanda, n’erilola oko wandi maligho. Omughulu tuli omo maligho, twanganalangira erikola ebyo Yehova akatusaba nga likalire. Bikabya bitya kundi erisikya Yehova siryolobire. Aliwe omughulu ukakola butaleghula ebyo Yehova akakusaba, ukakanganaya ko umwanzire kulenga ekindu kyosi-kyosi. Kandi ukakanganaya ngoko uli mutaleghula okw’iye. Naye, akendibya mutaleghula okw’iwe. Syangakulekerania n’ahake.—Soma Esyonyimbo 4:3.
WIGHE BINGYI
Lebaya eriowa Yehova nga ni ry’omughaso okwiwe busanaki, kandi wighe ekyangakuwatikya eribya mutaleghula okw’iye mughulu wosi.
3. Omwatsi mukulu owakulebirye
Erikwamana n’ekitabu kya Yobu, Sitani mwatsongera Yobu n’abandi bandu bosi abanzire erikolera Yehova. Musome Yobu 1:1, 6–2:10, neryo musubiraye oko mabulyo ano:
Erikwamana n’amalengekania wa Sitani, Yobu abya akowa Yehova busanaki?—Ulebaye Yobu 1:9-11.
Sitani mwabugha oko bandu bosi koki, naghu iwuneko?—Ulebaye Yobu 2:4.
Musome Yobu 27:5b, neryo musubiraye oko ribulyo rino:
Yobu mwakakangania ati ngoko anzire Yehova kwenene-kwenene?
Yobu mwakangania kw’anzire Yehova omw’iyitsinga eribya mutaleghula okw’iye
Tukakanganaya ngoko twanzire Yehova omwiyitsinga eribya bataleghula okw’iye
4. Utsemesaye omutima wa Yehova
Musome Emisyo 27:11, neryo musubiraye oko mabulyo ano:
Yehova akayowa ati omughulu ukabya n’amenge n’erimusikya? Busanaki?
5. Wanganabya mutaleghula oko Yehova
Olwanzo lwetu oko Yehova lukatukuna eribwira abandi oko mwatsi wiwe. Obutaleghula bwetu okw’iye bukatukuna erikola tutya nibya nomo erikola tutya siryolobire. Mulebaye EVIDEO, neryo musubiraye oko mabulyo awakwamire.
Ukanalangira eribwira abandi b’oko mwatsi wa Yehova nga likalire?
Ngoko twamalangira omo video, niki kyo kyawatikaya Grayson erisinga obuba bwiwe?
Lyolobire eribya mutaleghula oko Yehova omughulu tukanza eby’anzire n’eripona eby’aponire. Musome Esyonyimbo 97:10, neryo musubiraye oko mabulyo ano:
Erikwamana n’ebyo wabirigha, ni myatsi milebe yahi eyo Yehova anzire? Kandi ni myatsi milebe yahi eyo Yehova aponire?
Wang’igha wuti eryanza ekibuya n’eripona ekibi?
6. Tukabana endundi omughulu tuk’owa Yehova
Eriowa Yehova likaletera endundi mughulu wosi. Musome Isaya 48:17, 18, neryo musubiraye oko mabulyo ano:
Ukalengekanaya uti twangan’ikirirya tuti Yehova yo wasi ekyuwene okw’itwe omo myatsi yosi? Busanaki?
Erigha eBiblia n’eriminya oMungu w’ekwenene Yehova, lyabirikuletera endundi yo liti?
ABANDU BALEBE BAKABUGHA BATI: “OMungu syatsomene ebyo ngakola.”
Ni risako lyahi eryo wangakolesya erikangania ngoko ebyo tukakola byanganatsemesya kutse erihitania Yehova?
MUKIGHA MYATSI YAHI?
Tukakanganaya ngoko twanzire Yehova omughulu tukamwowa n’eribya bataleghula okw’iye ebiro byosi n’omo twangalaba omo maligho.
Eriyibukya
Eky’erileberyako kya Yobu kyamakw’ighisyaki?
Wangakangania wuti ngoko wanzire Yehova?
Ekyangakuwatikya eribya mutaleghula oko Yehova ebiro byosi niki?
EBINDI EBY’ERIMINYA
Ulangire ngoko wangabya mutaleghula oko Yehova n’oko ndeko.
Wighe bingyi oko mabehi awo Sitani akabugha oko bandu.
“Yobu mwatasighania eribya mutaleghula” (EBiblia—Yirimo omulaghe wahi? ekihande 6)
Lebaya ngoko nibya n’abakine balere banganakangania Yehova y’olwanzo
Oyukine mulwana angatsemesya Yehova yw’ati, nomo abandi balwana bangamukuna erikola emyatsi eyitetsemesaya oMungu?