Eritangirirya ekitswe 14

Abakristo b’erimbere mubatula engulu mbuya y’Obwami erihika omo biharo by’ehali by’ekihugho. Yesu mwabakangania ah’eritulira, kandi omo nzira y’ekitiko-tiko mwabatokesya erikangirirya abandu omo mibughe yabo. Yehova mwabaha obutubaha n’obutoki bw’erikinda erighalibwa erikalire.

Yesu mwatokesya omukwenda Yohana erilangira olukengerwa lwa Yehova omo nzoli. Omo yindi nzoli, Yohana mwalangira Obwami bw’elubula bukakinda Sitani n’eribughaho olosi obutabali bwiwe. Mwalangira Yesu inianemutabala haghuma n’abandi bandu 144 000. Kandi mwalangira ekihugho kyosi kikabya paradiso. Kandi mwalangira abandu bosi bakaramya Yehova omo buholo n’omo bughuma.