Enyumba nyiri-nyiri ye Babeli

Enyuma w’Eribwagha ly’Amaghetse, abaghala ba Noa n’abakali babo mubabuta abana banene. Mubakanya, bamatsuka eriyitsatsanga omo biharo mbiriri-mbiriri by’ekihugho, ngoko Yehova anabya iniabiribabwira.

Aliwe ebindi bihanda mubitowa Yehova. Mubabugha bati: ‘Muleke tuhimbe omuyi twikale mugho. Tukendihimba enyumba nyiri-nyiri eyikendihika elubula. Aho tukendibya itwamayikolera erina erikumayire.’

Yehova mwatatsemera ekyo abandu abo bakola, neryo mwayisogha erimania omubiiri wabo. Ukalengekanaya uti mwakola ekyo ky’ati? Kitsumbukirania, mwaleka babughe emibughe mbiriri-mbiriri. Kundi babya isibangatasyahulikirirana, mubaleka obuhimbe. Omuyi oyo, ogho babya ibabirihimba mwahulwamo Babeli, ekikamaanisaya “Eribulungania.” Abandu mubatsuka erihumayo, bamayitsatsanga omo kihugho kyosi. Aliwe mubalola embere erikola ebibi omo biharo bihya ebyo bayikalamo. Ibwa mbino hanabya ababya ibakinanzire Yehova? Tukendiminya ekyo omo mwatsi owakwamire.