CILONGESA 15

Ku Muesa Vusunga vua Viuma vi Mua Tsiliela

1 Tesalonika 1:5

VITONDEKA: Muesenu ngecize mua tsiliela vi muli na ku longesa kaha naua via pua via vusunga.

Liviukisilenu vuino. Ivuisisenu vinanga via ntsindo na ku muesa vati Mbimbiliya ya vi muesa ku pua via vusunga. Setekenu ku tumbula vintsina vienu via ntsindo mu mezi a andende. Tualenu mana mu ku mona vati i ka kuasa vakua ku mi halakana. Vundilenu vukuasi vua sipilitu santu.

Puenu na ku liviukisila na lizi lia kama linga mu tantekeye vuino cimpande ci mu ka longesa na ku vueza ku vutongue vuenu.
Pangesenu mezi a solola vusunga vua viuma. Kati mu hilukile-hilukile mezi ngue mu va a soneka, pangesenu mezi enu vavene. Handekesi yenu i muese ngecize mua tsiliela vi muli na ku handeka.
Handekenu mu vusunga kati ku kuata mu masinde. Handekenu na lizi lia ku puamo. Nga ka ca puile citanga ku tala ku meso a vakua ku halakana, lingenumo.

Vulukenu ngecize mua pande ku handeka vusunga na kasingimiko, kati ku sembulula vinguli via vakuenu ni ku va sindiya va tave vinguli vienu. Cipue nga vi mu handeka via vusunga kaha via ntsindo vi handekenu na cilemo.