အထီးကျန်သူတွေ ပိုများလာ—ကျမ်းစာအဆိုက ဘာလဲ

မကြာသေးခင်က ရရှိခဲ့တဲ့ ကမ္ဘာချီအစီရင်ခံစာအရa လူလေးယောက်မှာ တစ်ယောက်က အထီးကျန်နေတယ်။

• “နေရာဒေသ အသီးသီး၊ အသက်အရွယ်အသီးသီးက ဘယ်သူမဆို တစ်သီးပုဂ္ဂလဖြစ်နေနိုင်တယ်။”—ကမ္ဘာ့ကျန်းမာရေးအဖွဲ့၊ လူမှုဆက်ဆံရေး ကော်မရှင်ရဲ့ တွဲဖက်သဘာပတိ ချီဒို ဖမ်ဘာရဲ့ မှတ်ချက်။

လူတွေ ထင်သလို အသက်ကြီးသူတွေ၊ တစ်ယောက်တည်းသမားတွေပဲ အထီးကျန်နိုင်တာ မဟုတ်ဘူး။ လူငယ်တွေ၊ အိမ်ထောင်သည်တွေ၊ ကျန်းမာရေးကောင်းသူတွေ၊ ဘဝမှာ အောင်မြင်နေသူတွေလည်း အထီးကျန်နိုင်တယ်။ လူမှုပေါင်းသင်းဆက်ဆံရေး ကင်းမဲ့မှု၊ အထီးကျန်မှုက လူတစ်ယောက်ရဲ့ ကိုယ်စိတ်နှစ်ဖြာ ကျန်းမာရေးကို ဆိုးဆိုးရွားရွား ထိခိုက်စေနိုင်တယ်။

• “အထီးကျန်စိတ်ဟာ စိတ်ခံစားမှုမကောင်းတာလောက်ပဲ မဟုတ်ဘူး။ . . . လူမှုပေါင်းသင်းဆက်ဆံရေး ကင်းမဲ့မှုကြောင့် အသက်သေဆုံးနိုင်မှုဟာ တစ်ရက်ကို စီးကရက် ၁၅ လိပ်သောက်လို့ အသက်သေဆုံးနိုင်မှုနဲ့ အခြေအနေချင်း တူညီတယ်” လို့ အမေရိကန် ပြည်သူ့ကျန်းမာရေးဆိုင်ရာ အရာရှိချုပ် ဒေါက်တာ ဗီဗက် မာသီ ဆိုတယ်။

ကျမ်းစာအဆိုက ဘာလဲ

ဖန်ဆင်းရှင်က ကျွန်တော်တို့ကို တစ်သီးပုဂ္ဂလ မနေစေချင်ဘူး။ ဘုရားသခင်ရဲ့ရည်ရွယ်ချက်က လူတွေကို သိုက်သိုက်ဝန်းဝန်း ပျော်ပျော်ရွှင်ရွှင် နေစေချင်တာပါ။

• ကျမ်းစာအခြေခံမူ– “လူဟာ တစ်ယောက်တည်း ဆက်နေဖို့ မသင့်တော်ဘူး။”—ကမ္ဘာဦး ၂:၁၈။

ဘုရားသခင်နဲ့လည်း ရင်းနှီးတဲ့ဆက်ဆံရေး ရှိစေချင်တယ်။ ကျွန်တော်တို့ဘက်က ဘုရားနဲ့ ရင်းနှီးအောင် ကြိုးစားရင် ဘုရားသခင်ကလည်း ကျွန်တော်တို့နဲ့ ရင်းနှီးလာလိမ့်မယ်လို့ ကတိပြုထားတယ်။—ယာကုပ် ၄:၈။

• ကျမ်းစာအခြေခံမူ– “ဘုရားသခင်ကို မှီခိုဖို့ လိုအပ်မှန်း သိမြင်သူတွေ ပျော်ရွှင်ချမ်းမြေ့တယ်။ ကောင်းကင်နိုင်ငံဟာ သူတို့အတွက် ဖြစ်လိမ့်မယ်။”—မဿဲ ၅:၃။

ဘုရားသခင်က ကျွန်တော်တို့ကို တခြားသူတွေနဲ့အတူ ဝတ်ပြုကိုးကွယ်စေချင်တယ်။ အတူတကွ ဝတ်ပြုကိုးကွယ်တာက ကျွန်တော်တို့ကို ပိုပျော်ရွှင်စေတယ်။

• ကျမ်းစာအခြေခံမူ– “မေတ္တာစိတ်ရှိစေဖို့၊ အကျင့်ကောင်းတွေ ကျင့်စေဖို့ တိုက်တွန်းအားပေးပြီး အချင်းချင်း ထောက်ထားစာနာကြစို့။ . . . အချင်းချင်း အားပေးကြပါ။”—ဟီဘရူး ၁၀:၂၄၊ ၂၅။

အထီးကျန်စိတ်ကို တိုက်ထုတ်ဖို့ ဘာကြောင့်အရေးကြီးသလဲဆိုတာ ပိုသိနိုင်ဖို့ “ဆက်သွယ်မှု ကွန်ရက်ကမ္ဘာမှာ အထီးကျန်နေခြင်း” ဆောင်းပါးကို ဖတ်ပါ။