လေ့လာစရာ အကြံပြုလွှာ
ကျမ်းစာ ပုံဥပမာတွေကို နားလည်အောင် လုပ်ပါ
ကျမ်းစာထဲမှာ ပုံဥပမာ ရာနဲ့ချီ ပါတယ်။ ကျမ်းစာဖတ်ပေမဲ့ ပုံဥပမာတွေကို သဘောမပေါက်တဲ့သူတွေ ရှိပါတယ်။ (မ. ၁၃:၁၃) ကျမ်းစာပုံဥပမာတွေကို နားလည်ဖို့ ဘယ်လို လုပ်နိုင်သလဲ။ ဒီအချက်တွေ လုပ်ကြည့်ပါ။
အဓိကအကြောင်းအရာကို ဘာနဲ့ နှိုင်းယှဉ်ထားသလဲ မှတ်သားပါ။ ဥပမာ၊ ဗျာဒိတ် ၃:၃ မှာ ယေရှုကြွလာခြင်း (အဓိကအကြောင်းအရာ) ကို သူခိုးလာတာနဲ့ နှိုင်းယှဉ်ထားတယ်။
အဓိကအကြောင်းအရာနဲ့ နှိုင်းယှဉ်ချက် ဘယ်လို ဆင်တူသလဲ စဉ်းစားပါ။ ဘယ်အချက်တွေ၊ ဘယ်အရည်အသွေးတွေ ဆင်တူသလဲ ရှာကြည့်ပါ။
မှန်ကန်တဲ့ ကောက်ချက်ချပါ။ တစ်ခါတလေ ကောက်ချက်ချ မှားသွားနိုင်တယ်။ အထက်မှာဖော်ပြခဲ့တဲ့ ဥပမာမှာ ယေရှုက တစ်ခုခုကို ခိုးဖို့ ကြွလာတာ မဟုတ်ပါဘူး။ ရှေ့နောက်စကားတွေကိုကြည့်ရင် သူခိုး ဘယ်အချိန်လာမယ်ဆိုတာ လူတွေ မသိသလို လူတွေ မမျှော်လင့်ထားတဲ့အချိန်မှာ ယေရှုကြွလာမယ်လို့ ဆိုလိုတာပါ။