ယေဟောဝါနဲ့ သင့်ဆက်ဆံရေးကို တန်ဖိုးထားပါ

ယေဟောဝါသက်သေတွေမှာ အခွင့်ထူးတစ်ခု ရှိတယ်။ ဆက်ကပ်အပ်နှံ နှစ်ခြင်းခံပြီးသား ခရစ်ယာန်တွေအနေနဲ့ အချုပ်အခြာအာဏာပိုင်ရှင် ယေဟောဝါနဲ့ နှစ်ကိုယ်ကြား ရင်းနှီးတဲ့ ဆက်ဆံရေး ဆက်ရှိအောင် လုပ်နိုင်ကြတယ်။ ဘုရားသခင်ဟာ သားတော်ကတစ်ဆင့် ကျွန်တော်တို့ကို ဆွဲဆောင်ခဲ့တယ်။ (ယဟ ၆:၄၄) ကျွန်တော်တို့ရဲ့ ဆုတောင်းချက်တွေကို နားထောင်တယ်။—ဆ ၃၄:၁၅။

ဘုရားနဲ့ ကိုယ်နဲ့ကြားမှာ ရှိတဲ့ အဖိုးတန် ဆက်ဆံရေးကို ဘယ်လို ကာကွယ်နိုင်သလဲ။ တစ်နည်းကတော့ အစ္စရေးတွေ လိုက်ခဲ့တဲ့ အပြစ်လမ်းစဉ်ကို ရှောင်ခြင်း ဖြစ်တယ်။ သူတို့ဟာ ယေဟောဝါနဲ့ ပဋိညာဉ်ဖွဲ့ပြီး သိပ်မကြာခင်မှာပဲ ရွှေနွားရုပ် လုပ်ပြီး ကိုးကွယ်ခဲ့ကြတယ်။ (ထွ ၃၂:၇၊ ၈။ ၁က ၁၀:၇၊ ၁၁၊ ၁၄) ကိုယ့်ကိုယ်ကိုယ် ဒီလိုမေးနိုင်တယ်– ‘သွေးဆောင်မှု ခံရတဲ့အခါ ငါ ဘယ်လို တုံ့ပြန်သလဲ။ ငါ့ရဲ့ တုံ့ပြန်ပုံက ယေဟောဝါနဲ့ ငါ့ရဲ့ ဆက်ဆံရေးကို တန်ဖိုးထားကြောင်း ဖော်ပြသလား။’ ကောင်းကင်ဘုံစံဖခင်ကို တကယ် ချစ်တယ်ဆိုရင် ဘုရား မကြိုက်တာတွေကို မလုပ်ဖို့ ကျွန်တော်တို့ကို ကူညီပေးပါလိမ့်မယ်။—ဆ ၉၇:၁၀။

ယေဟောဝါနဲ့ သင့်ဆက်ဆံရေးကို ကာကွယ်ပါ (ကော ၃:၅) ဗီဒီယိုကို ကြည့်ပါ။ ပြီးတဲ့နောက် အောက်ပါမေးခွန်းတွေကို ဖြေပါ–

• လောဘကြီးခြင်း၊ ငမ်းငမ်းတက် လိုချင်ခြင်းဆိုတာ ဘာလဲ။

• လောဘကြီးခြင်းနဲ့ ရုပ်တုကိုးကွယ်ခြင်းကို ကျွန်တော်တို့ ဘာကြောင့် ရှောင်သင့်သလဲ။

• ရုပ်တုကိုးကွယ်ခြင်းနဲ့ အိမ်ထောင်ရေး ဖောက်ပြန်ခြင်း ဘယ်လို ဆက်စပ်နေသလဲ။

• အမှုဆောင်လုပ်ငန်းမှာ တာဝန်ရထားသူတွေဟာ အထူးသဖြင့် ကိုယ့်အိမ်ထောင်ဖက်ကို ဘာကြောင့် ဂရုစိုက်ရမလဲ။