“ဥစ္စာတစ်ဖို့ကို ထုတ်၍စုထားကြလော့”

အစောပိုင်းခရစ်ယာန်အသင်းတော်တွင် ဂရုစိုက်ဖို့လိုသည့် ရုပ်ပိုင်းဆိုင်ရာလိုအပ်မှုများရှိခဲ့သည်။ တစ်ဦးစီကြွယ်ဝသည့်အတိုင်း ယင်းလိုအပ်မှုများကို ဖြည့်စွက်ပေးရန် အလှူထည့်ဝင်မှုအနေနှင့် “ဥစ္စာတစ်ဖို့ကိုထုတ်၍စုထား” ဖို့တိုက်တွန်းခံရသည်။ (၁ ကော. ၁၆:၁-၃) ၎င်းတို့ရက်ရောမှု၏ရလဒ်အဖြစ် အားလုံးသည် ‘ဘုရားသခင်၏ကျေးဇူးတော်ကို ချီးမွမ်းစရာအကြောင်းများစွာ’ ဖြစ်စေသည့် ပေးကမ်းခြင်းတွင် ဝမ်းမြောက်ဝမ်းသာဖြစ်ခဲ့ကြသည်။—၂ ကော. ၉:၁၁၊ ၁၂။

ယနေ့ ယေဟောဝါလူမျိုးတော်၏ ကမ္ဘာချီလုပ်ငန်းသည် တိုးတက်နေကာ ငွေကြေးထောက်ပံ့မှု ပို၍ပို၍လိုအပ်လျက်ရှိသည်။ ကျွန်ုပ်တို့လည်း လိုအပ်မှုကို ဖြည့်စွက်ပေးရန် အကူအညီဖြစ်စေဖို့ မှန်မှန် “ဥစ္စာတစ်ဖို့ကိုထုတ်၍စုထား” သင့်သည်။ (၂ ကော. ၈:၃၊ ၄) နည်းလမ်းအသွယ်သွယ်ဖြင့် ရုပ်ပိုင်းဆိုင်ရာပေးကမ်းမှုပြုနိုင်သည်။ (နိုဝင်ဘာ ၁၊ ၂၀၀၁၊ ကင်းမျှော်စင်၊ စာမျက်နှာ ၂၈-၉ ရှု။) ကျွန်ုပ်တို့သည် စစ်မှန်သောပျော်ရွှင်မှုရရှိစေသည့် အခွင့်ထူးတစ်ရပ်အဖြစ် ယင်းကို မှန်ကန်စွာရှုမြင်ကြသည်။—တ. ၂၀:၃၅။