¿Ndáaña ni̱ka̱ʼa̱n ta̱ Jesús xa̱ʼa̱ ña̱ “ndeéní ta̱an”?

Xa̱a̱ ki̱ʼva 2,000 ku̱i̱ya̱ ni̱ya̱ʼa ña̱ ni̱ka̱ʼa̱n ta̱ Jesús ña̱yóʼo: “Ndeéní ta̱an” (Lucas 21:11). Ta tiempo vitin kúnda̱a̱-iniyó nda̱chun ni̱ka̱ʼa̱nra ña̱yóʼo. Saáchi xa̱a̱ xíniso̱ʼoyó ña̱ ndeéní táa̱n sava ñuu ta ku̱a̱ʼání na̱ yiví xóʼvi̱na ta xíʼi̱na:

• 15 tí agosto 2026 (Indonesia). 7.7ndeé ni̱ta̱an. 68 na̱ yiví ni̱xi̱ʼi̱.a

• 10 tí agosto 2026 (Colombia). 7.4 ndeé ni̱ta̱an. 294 na̱ yiví ni̱xi̱ʼi̱.

• 24 tí junio 2026 (Venezuela). 7.2 xíʼin 7.5 ndeé ni̱ta̱an. 6,301 na̱ yiví ni̱xi̱ʼi̱.

• 8 tí junio 2026 (Filipinas). 7.8 ndeé ni̱ta̱an. 106 na̱ yiví ni̱xi̱ʼi̱.

¿Ndáaña kúni̱ kachi ña̱ ni̱ka̱ʼa̱n ta̱ Jesús?

Ta̱ Jesús ni̱ka̱ʼa̱nra tá ná kuniyó ña̱ ndeéní táa̱n ta saátu inkaka ña̱ʼa, saá kúú ña̱ kunda̱a̱-iniyó ña̱ xa̱a̱ ndóoyó ki̱vi̱ nu̱ú ndíʼi (Mateo 24:3, 7; 2 Timoteo 3:1).

• Ña̱ va̱ʼa kunda̱a̱-iniún ña̱ xa̱a̱ ndóoyó ki̱vi̱ nu̱ú ndíʼi, kaʼvi artículo ña̱ naní “¿Ndáa señal kúú ña̱ koo tiempo so̱ndíʼi?”.

Xa̱ʼa̱ ña̱ xa̱a̱ xítoyó ña̱ xínu ña̱ ni̱ka̱ʼa̱n ta̱ Jesús sándi̱koña-iniyó saáchi íyo iin ña̱ va̱ʼa ndátuyó ndakiʼinyó chí nu̱únínu. Ta̱yóʼo ni̱ka̱ʼa̱nra: “Tá ná kunindó ña̱ xa̱a̱ kúu ndiʼi ña̱ʼa yóʼo, kunda̱a̱-inindó ña̱ xa̱a̱ yatin kixaa̱ Reino Ndióxi̱” (Lucas 21:31). Reino Ndióxi̱ sandíʼi-xa̱ʼa̱ña ndiʼi ña̱ sáxo̱ʼvi̱ miíyó, tá kúú ña̱ xóʼvi̱yó xa̱ʼa̱ ña̱ ndeéní táa̱n. Ta saátu si̱íní kooyó nu̱ú ñuʼú yóʼo ndiʼi tiempo (Isaías 32:18; Apocalipsis 21:3, 4).

• Tá kúni̱kaún kunda̱a̱-iniún xa̱ʼa̱ ña̱yóʼo, koto video ña̱ naní ¿Ndáa ki̱ʼva kaʼndachíñu Ndióxi̱?