Skeda għal-​Laqgħat tas-​Servizz

NOTA: Xahar jew xahrejn wara li l-​kongregazzjoni tattendi l-​Konvenzjoni Distrettwali “Ubbidjenza Lejn Alla,” jitwarrbu minn 15 sa 20 minuta fil-​Laqgħa tas-​Servizz biex issir reviżjoni taʼ xi punti mill-​konvenzjoni li l-​pubblikaturi sabuhom t’għajnuna fil-​ministeru taʼ l-​għalqa. Il-​parti speċjali tal-​Laqgħa tas-​Servizz tagħtina l-​opportunità nispjegaw kif qed nużaw dak li tgħallimna fil-​konvenzjoni u kif dan għenna nagħmlu l-​ministeru tagħna iktar effettiv.

Ġimgħa li Tibda 8 t’Awissu

Għanja 125

10 min: Avviżi lokali. Avviżi magħżulin mill-​Ministeru tas-​Saltna. Fakkar lill-​pubblikaturi dwar id-​dati tal-​programmi taʼ l-​assemblea tas-​circuit u tal-​jum t’assemblea speċjali għas-​sena taʼ servizz 2006 jekk diġà huma magħrufin. Ħabbar l-​arranġamenti għall-​attività tas-​servizz taʼ l-​għalqa nhar it-​Tnejn, 15 t’Awissu, li hi btala pubblika.

10 min: “Qed Tużahom il-​Handbills?” Taħdita u diskussjoni maʼ l-​udjenza. Stieden lill-​udjenza tikkummenta dwar ir-​riżultati tajbin miksubin mill-​użu tal-​handbills. Inkludi turija qasira taʼ pubblikatur li juża handbill biex jistieden għal-​laqgħa lil xi ħadd li juri interess.

25 min: “Infaħħru lil Ġeħova Qalb il-​Kongregazzjoni Kbira.”a Trid tingħata mis-​segretarju tal-​kongregazzjoni. Iddiskuti l-​paragrafi numerati kif isir fl-​Istudju tat-​Torri taʼ l-​Għassa. Qabbad lil xi ħadd minn qabel biex jaqralek il-​paragrafi. Irrivedi l-​kaxxa “Tfakkiriet għall-​Konvenzjoni Distrettwali.”

Għanja 197 u talba taʼ l-​għeluq.

Ġimgħa li Tibda 15 t’Awissu

Għanja 11

10 min: Avviżi lokali. Uża s-​suġġeriment f’paġna 8 (jekk hu adattat għat-​territorju tiegħek) biex turi kif tippreżenta t-​Torri taʼ l-​Għassa tal-​15 t’Awissu u ħarġa kurrenti taʼ Stenbaħ! Fit-​turija għandu jkun hemm anzjan u pubblikatur marid li qed jagħtu xiehda bit-​telefon.

15 min: Tiftakar? Diskussjoni maʼ l-​udjenza bbażata fuq It-​Torri taʼ l-​Għassa tal-​15 t’April, 2005, paġna 30. Stieden lill-​udjenza tikkummenta fuq kull mistoqsija. Enfasizza l-​valur prattiku tal-​materjal. Ħeġġeġ lil kulħadd jaqra bir-​reqqa kull ħarġa taʼ It-​Torri taʼ l-​Għassa u Stenbaħ!

20 min: “Nibdew Studji tal-​Bibbja fil-​Bieb u bit-​Telefon.”b Inkludi turija qasira li turi kif studju tal-​Bibbja jistaʼ jinbeda fl-​ewwel żjara, billi jintuża biss paragrafu wieħed jew tnejn fil-​browxer X’Jirrikjedi. Irrakkonta fil-​qosor esperjenza inkuraġġanti jew tnejn dwar li jinbdew l-​istudji bit-​telefon.

Għanja 30 u talba taʼ l-​għeluq.

Ġimgħa li Tibda 22 t’Awissu

Għanja 161

10 min: Avviżi lokali. Aqra r-​rapport tal-​kontijiet u l-​ittra taʼ ringrazzjament għad-​donazzjonijiet. Billi tuża s-​suġġeriment f’paġna 8 (jekk hu adattat għat-​territorju tiegħek), uri kif tippreżenta It-​Torri taʼ l-​Għassa taʼ l-​1 taʼ Settembru u ħarġa kurrenti taʼ Stenbaħ! It-​turija għandha turi kif issir żjara lura fuq żjara taʼ rotta bir-​rivisti.

15 min: “Nikkonduċu Studji tal-​Bibbja Progressivi​—It-​Tnax-il Parti.”c Ftiehem maʼ pubblikatur jew tnejn biex jikkummentaw fuq dak li għenhom jagħmlu progress f’li jibdew u jikkonduċu studji tal-​Bibbja.

20 min: “L-​Ippridkar tas-​Saltna​—Privileġġ Prezzjuż.”d Meta tkun qed tiddiskuti paragrafu 4, irrivedi l-​provvediment speċjali biex il-​ħin tas-​servizz taʼ l-​għalqa taʼ dawk li huma limitati ferm minħabba l-​età jew problemi taʼ saħħa jiġi rapportat kwarta kwarta.​—Ara l-​Ministeru tas-​Saltna t’Ottubru 2002, pġ. 8, par. 6.

Għanja 204 u talba taʼ l-​għeluq.

Ġimgħa li Tibda 29 t’Awissu

Għanja 45

10 min: Avviżi lokali. Fakkar lill-​pubblikaturi biex jitfgħu r-​rapport tas-​servizz taʼ l-​għalqa għal Awissu. Irripeti l-​pariri u t-​tfakkiriet mill-​partijiet “Infaħħru lil Ġeħova Qalb il-​Kongregazzjoni Kbira” u “Tfakkiriet għall-​Konvenzjoni Distrettwali” li japplikaw lokalment.

25 min: “Issa Hu ż-​Żmien biex Nippridkaw!”e Ftiehem maʼ pijunier regulari jew tnejn jikkummentaw fuq l-​aġġustamenti li għamlu sabiex iwettqu x-​xogħol taʼ pijunier u l-​barkiet li gawdew b’riżultat taʼ dan.

10 min: Uża l-​Bibbja fl-​Ewwel Żjajjar. Taħdita u diskussjoni maʼ l-​udjenza. Irrivedi s-​suġġerimenti li hemm fil-​Ministeru tas-​Saltna taʼ Settembru 2004, paġna 4, paragrafu 2, biex tinġibed l-​attenzjoni lejn il-​Kelma t’Alla fl-​ewwel żjajjar. Uri kif waħda jew tnejn mill-​preżentazzjonijiet suġġeriti jistgħu jintużaw maʼ l-​offerta tal-​letteratura għal Settembru. Is-​suġġerimenti li hemm fl-​insert tal-​Ministeru tas-​Saltna taʼ Jannar 2005 biex tiġi preżentata l-​offerta jistgħu jiġu diskussi u ssir turija tagħhom ukoll skond kemm jippermetti l-​ħin.

5 min: Tfakkiriet għall-​Konvenzjoni Distrettwali.

Għanja 71 u talba taʼ l-​għeluq.

[Noti taʼ taħt]