Skeda għal-​Laqgħat tas-​Servizz

Ġimgħa li Tibda 9 taʼ Mejju

Għanja 217

10 min: Avviżi lokali. Avviżi magħżulin mill-​Ministeru tas-​Saltna. Uża s-​suġġeriment f’paġna 8 u uri kif toffri t-​Torri taʼ l-​Għassa tal-​15 taʼ Mejju flimkien maʼ ħarġa kurrenti taʼ Stenbaħ! It-​turija għandha turi kif jiġu offruti r-​rivisti b’mod informali fuq it-​trasport pubbliku.

15 min: Uża l-​Kelma t’Alla biex Tilħaq il-​Qalb. Taħdita bbażata fuq it-​Torri taʼ l-​Għassa taʼ l-​1 taʼ Frar, 2005, paġni 28-31. Analizza l-​mod kif Ġesù uża l-​Iskrittura biex jgħin lil Pietru. Iddiskuti kif aħna nistgħu nsegwu l-​eżempju taʼ Ġesù meta jkun hemm bżonn li naġġustaw il-​ħsibijiet u s-​sentimenti taʼ wliedna, taʼ l-​istudenti tal-​Bibbja, u anki tagħna stess.

20 min: “Agħmel Skeda Prattika għall-​Familja.” F’introduzzjoni taʼ inqas minn żewġ minuti, enfasizza l-​valur taʼ skeda bil-​miktub u iddiskuti kif għandha timtela l-​iskeda vojta li hemm f’paġna 6. Kompli b’diskussjoni f’għamla taʼ mistoqsija u tweġiba taʼ l-​artiklu “Skeda tal-​Familja​—Laqgħat tal-​Kongregazzjoni.” Stieden lil dawk fl-​udjenza biex jikkummentaw dwar kif jistgħu jżommu attivitajiet oħra milli jieħdu post il-​laqgħat tal-​kongregazzjoni. Iktar aspetti dwar l-​iskeda tal-​familja se jiġu kunsidrati fil-​ġimgħat li ġejjin.

Għanja 176 u talba taʼ l-​għeluq.

Ġimgħa li Tibda 16 taʼ Mejju

Għanja 201

10 min: Avviżi lokali.

15 min: “Skeda tal-​Familja—Servizz taʼ l-​Għalqa Bħala Familja.”* Stieden lill-​udjenza tikkummenta dwar il-​benefiċċji li jiġu meta l-​membri tal-​familja jaħdmu flimkien regolarment fil-​ministeru.

20 min: “Nikkonduċu Studji tal-​Bibbja Progressivi​—Id-​Disaʼ Parti.”a Meta tiddiskuti paragrafu 2, enfasizza punt jew tnejn mill-​Ministeru tas-​Saltna taʼ Diċembru 2004, paġna 8. Inkludi turija qasira taʼ studju tal-​Bibbja. Wara li jlesti lezzjoni 2 tal-​browxer X’Jirrikjedi?, dak li jikkonduċi l-​istudju jistaqsi lill-​istudent: “Kieku int, kif tispjega lil xi ħabib x’inhu l-​isem t’Alla?” L-​istudent jispjega kif kieku juża Salm 83:19 (Salm 83:​18, New World Translation), u dak li jikkonduċi jfaħħru taʼ dan.

Għanja 134 u talba taʼ l-​għeluq.

Ġimgħa li Tibda 23 taʼ Mejju

Għanja 194

12 min: Avviżi lokali. Aqra r-​rapport tal-​kontijiet u l-​ittra taʼ ringrazzjament għad-​donazzjonijiet. Uża s-​suġġeriment f’paġna 8 u uri kif jiġi preżentat it-​Torri taʼ l-​Għassa taʼ l-​1 taʼ Ġunju flimkien maʼ ħarġa kurrenti taʼ Stenbaħ! Jistgħu jintużaw preżentazzjonijiet realistiċi oħrajn.

18 min: “Il-​Jum taʼ Ġeħova Jinsab fil-​Qrib.”b Fil-​preparazzjoni għal din il-​parti, ara x’jgħid il-​ktieb Il-​Profezija taʼ Danjel, paġna 59, paragrafu 28.

15 min: “Skeda tal-​Familja​—L-​Istudju tal-​Familja.”c Irranġa bil-​quddiem biex wieħed jew tnejn jikkummentaw dwar kif jagħmlu skeda għall-​istudju tal-​familja u xi sforz hemm bżonn biex jagħmluh regolarment.

Għanja 152 u talba taʼ l-​għeluq.

Ġimgħa li Tibda 30 taʼ Mejju

Għanja 190

10 min: Avviżi lokali. Fakkar lill-​pubblikaturi biex jagħmlu r-​rapport tas-​servizz taʼ l-​għalqa għal Mejju. Semmi l-​offerta taʼ letteratura għal Ġunju. Uri kif tiġi preżentata l-​offerta billi tuża waħda jew tnejn mill-​preżentazzjonijiet suġġeriti fl-​insert tal-​Ministeru tas-​Saltna taʼ Jannar 2005. Jistgħu jintużaw preżentazzjonijiet prattiċi oħra.

20 min: “Skeda tal-​Familja​—L-​Iskrittura tal-​Jum.”d Stieden lil dawk fl-​udjenza biex jikkummentaw dwar kif il-​membri tal-​familja tagħhom jiksbu benefiċċji billi jikkunsidraw l-​iskrittura tal-​jum flimkien u liema skeda sabu li hija prattika biex jagħmlu dan.

15 min: Ħejji lil xi aħwa biex jirrakkontaw jew jirreċtaw esperjenzi sbieħ fis-​servizz taʼ l-​għalqa li kellhom matul Marzu, April, u Mejju. Irranġa bil-​quddiem biex wieħed jew tnejn jikkummentaw dwar l-​isforz li għamlu biex iżidu sehemhom fil-​ministeru matul l-​istaġun tat-​Tifkira u liema barkiet gawdew b’riżultat taʼ dan.

Għanja 115 u talba taʼ l-​għeluq.

Ġimgħa li Tibda 6 taʼ Ġunju

Għanja 155

10 min: Avviżi lokali.

15 min: Bżonnijiet lokali.

20 min: “Ikkultiva l-​Interess Permezz taʼ Rotta bir-​Rivisti.”e Meta tiddiskuti paragrafu 3, iġbed l-​attenzjoni lejn il-​ktieb Reasoning, paġni 227​-32. Dan il-​materjal jistaʼ jintuża biex jiġu preparati sensiela taʼ diskussjonijiet bi skrittura waħda dwar dak li se twettaq is-​Saltna t’Alla. Inkludi turija dwar kif pubblikatur jistaʼ jkollu diskussjoni bi skrittura waħda meta jżur persuna fuq rotta bir-​rivisti. Il-​pubblikatur għandu jiddiskuti u jispjega fil-​qosor l-​applikar taʼ l-​iskrittura biex jgħin lill-​inkwilin jifhimha tajjeb u jara l-​valur tagħha fil-​ħajja tiegħu.

Għanja 107 u talba taʼ l-​għeluq.

[Noti taʼ taħt]