Avviżi

April u Mejju: Offri kopji individwali kemm tat-​Torri taʼ l-​Għassa u kemm taʼ Stenbaħ! Meta terġaʼ żżur lil dawk li juru interess, inkludi lil dawk li jkunu attendew it-​Tifkira u/jew xi avvenimenti teokratiċi oħra imma li m’humiex qed jissieħbu b’mod attiv mal-​kongregazzjoni, u ikkonċentra fuq li tħalli l-​ktieb Qim lil Alla. Il-​mira għandha tkun li jinbeda studju tal-​Bibbja fid-​dar, speċjalment jekk xi individwi diġà studjaw il-​ktieb Għarfien u l-​browxer X’Jirrikjedi. Ġunju: Offri l-​ktieb Tgħallem mill-​Għalliem il-​Kbir. Jekk ikun hemm min jgħid li m’għandux tfal, offri l-​ktieb Hena Fil-​Familja jew il-​ktieb Għarfien. Agħmel sforz biex tibda studji tal-​Bibbja. Lulju u Awissu: Jistaʼ jintuża kwalunkwe browxer taʼ 32 paġna minn dawn li ġejjin: Gawdi l-​Ħajja fuq l-​Art Għal Dejjem!, Għandek Int Temmen fit-​Trinità?, “Ħares! Qed Nagħmel l-​Affarijiet Kollha Ġodda,” Ktieb għan-​Nies Kollha, Meta Xi Ħadd Li Tħobb Imut, Veru li Alla Jimpurtah Minna?, X’Inhu l-​Iskop tal-​Ħajja​—Kif Tistaʼ Ssibu?, u X’Jiġrilna meta Mmutu?

◼ B’seħħ minn April, il-​badges tal-​konvenzjoni distrettwali għall-​2005 se jkunu inklużi awtomatikament mal-​letteratura li tasal bil-​baħar. Mhux se jkun hemm bżonn li dawn jiġu ordnati sakemm ma jkunx hemm grupp taʼ lingwa barranija msieħeb mal-​kongregazzjoni tiegħek. Il-​badges se jintbagħtu f’pakketti taʼ 25, skond in-​numru taʼ pubblikaturi f’kull kongregazzjoni. Jekk il-​kongregazzjoni jkollha bżonn iktar badges, dawn għandhom jiġu ordnati fuq il-​Literature Request Form (S-14). Il-​plastik fejn jinżammu l-​badges għandu jiġi ordnat għal dawk kollha fil-​kongregazzjoni li jixtiquh.

◼ Huwa neċessarju li l-​uffiċċju tal-​fergħa jkollu rekord aġġornat taʼ l-​indirizzi u n-​numri tat-​telefon taʼ l-​indokraturi li jippresiedu u s-​segretarji kollha. Jekk f’xi żmien ikun hemm xi bidla, il-​Kumitat tas-​Servizz tal-​Kongregazzjoni għandu jimla, jiffirma, u jibgħat il-​formola Presiding Overseer/Secretary Change of Address (S-29) lill-​uffiċċju tal-​fergħa mill-​ewwel.

◼ Is-​segretarji tal-​kongregazzjoni għandhom iżommu provvista adegwata tal-​formoli Applikazzjoni għas-​Servizz taʼ Pijunier Regulari (S-205-MT) u Applikazzjoni għas-​Servizz taʼ Pijunier Awżiljarju (S-205b-MT). Dawn jistgħu jiġu ordnati fuq il-​Literature Request Form (S-14). Minn taʼ l-​inqas, żommu provvista għal sena. Irrivedu l-​formoli kollha taʼ l-​applikazzjoni għal pijunier regulari biex tkunu ċerti li huma kompluti.

◼ Il-​ġemgħa taʼ l-​anzjani għandha żżomm f’moħħha li dawn il-​bidliet li ġejjin huma meħtiġin meta l-​kongregazzjoni tattendi l-​assemblea lokali: Meta jum taʼ assemblea speċjali jkun fl-​iskeda, il-​kongregazzjoni għandu jkollha l-​laqgħat tas-​soltu kollha matul dik il-​ġimgħa, ħlief li lLaqgħa Pubblika u l-​Istudju tat-​Torri taʼ l-​Għassa jiġu kanċellati. Meta l-​kongregazzjoni tkun ippjanata li tattendi assemblea tas-​circuit, din trid tikkanċella wkoll l-​Iskola tal-​Ministeru Teokratiku u l-​Laqgħa tas-​Servizz; l-​Istudju tal-​Ktieb tal-​Kongregazzjoni biss se jinżamm lokalment matul dik il-​ġimgħa.