Skeda għal-​Laqgħat tas-​Servizz

Ġimgħa li Tibda 8 taʼ Marzu

Għanja 37

10 min:  Avviżi lokali. Avviżi magħżulin mill-​Ministeru tas-​Saltna. Fakkar lil kulħadd biex iġib il-​browxer il-​ġdid “See the Good Land” (“Ara l-​Art Tajba”) għal-​Laqgħa tas-​Servizz tal-​ġimgħa d-​dieħla. Uża s-​suġġeriment f’paġna 4, u ħejji turija taʼ kif jiġi preżentat It-​Torri taʼ l-​Għassa tal-​15 taʼ Marzu flimkien maʼ ħarġa kurrenti taʼ Stenbaħ!

15 min: Nużaw il-​Fuljetti biex Nibdew Konversazzjoni. Diskussjoni maʼ l-​udjenza. Ħafna drabi l-​iktar ħaġa diffiċli meta tagħti xiehda tkun li tibda l-​konversazzjoni. Il-​fuljetti jistgħu jintużaw biex jiftħu t-​triq għal għoti taʼ xiehda minn dar għal dar, f’territorju taʼ negozju, u f’postijiet pubbliċi. Irrivedi fil-​qosor żewġ jew tliet fuljetti li jistgħu jolqtu lin-​nies fit-​territorju lokali. X’kummenti jistgħu jintużaw fil-​ftuħ meta jiġu preżentati dawn il-​fuljetti? Kif jistgħu jintużaw l-​istampi? X’mistoqsijiet jistgħu jitpoġġew bit-​tattika? Iġbed l-​attenzjoni lejn paragrafu f’kull fuljett li jistaʼ jiġi kunsidrat f’każ li l-​inkwilin juri interess. Ħejji turija taʼ kif tistaʼ tinbeda diskussjoni billi jintuża fuljett. Ara li l-​pubblikatur jikkunsidra fil-​qosor paragrafu wieħed mill-​fuljett u mbagħad jikkonkludi billi joffri l-​ktieb Għarfien.

20 min: “Ħobbu l-​Mulej, Ħbieb Tiegħu Kollha.”a Meta tiddiskuti paragrafu 3, ħu kummenti mill-​udjenza dwar kif huma stiednu lin-​nies għat-​Tifkira.

Għanja 131 u talba taʼ l-​għeluq.

Ġimgħa li Tibda 15 taʼ Marzu

Għanja 121

10 min: Avviżi lokali. Irrivedi l-​punti prinċipali taʼ “Tfakkiriet għat-​Tifkira.” Jekk l-​istudju tat-​Torri taʼ lGħassa normalment jinżamm nhar taʼ Ħadd, avża meta se jinżamm għall-​ġimgħa tat-​Tifkira.

15 min: Aġġornament dwar l-​Attività Speċjali fi Żmien it-​Tifkira. Diskussjoni maʼ l-​udjenza li trid issir mill-​indokratur tas-​servizz. Semmi l-​arranġamenti speċjali li saru. Irrakkonta ftit esperjenzi li tgawdew. Inkuraġġixxi lil dawk li jistgħu biex jaqdu bħala pijunieri awżiljarji f’April u Mejju. Irrivedi fil-​qosor ftit punti mill-​insert fil-​Ministeru tas-​Saltna taʼ Frar.

20 min: Ġenituri​—Għallmu lil Uliedkom minn Ċkunithom. Anzjan jiddiskuti prinċipji Skritturali li jenfasizzaw il-​bżonn biex il-​ġenituri jgħallmu lil uliedhom minn ċkunithom. (Prov. 22:6; 2 Tim. 3:​14, 15) Xi ġenituri jħossu li edukazzjoni serja mill-​Bibbja għat-​tfal m’għandhiex tingħata sakemm it-​tfal ikunu kbar biżżejjed biex jieħdu d-​deċiżjonijiet għalihom infushom. F’każi bħal dawn, ħafna tfal intilfu u marru fid-​dinja. It-​tagħlim spiritwali għandu jibda miċ-​ċokon. (w-MT98 4/15 32; g-MT04 1/8 8-11) Ikkummenta fuq l-​informazzjoni fil-​ktieb Hena fil-​Familja, kapitlu 5, paragrafi 17-19. Imbagħad intervista missier li jieħu ħsieb l-​ispiritwalità taʼ wliedu żgħar. Uri kif hu jieħu t-​tmexxija imma li ż-​żewġ ġenituri jagħtu s-​sehem tagħhom biex jipprovdu programm konsistenti u bir-​reqqa ħalli jgħallmu lil uliedhom żgħar. Il-​koppja tirrakkonta x’kienu qed jagħmlu biex jgħallmu l-​verità lil uliedhom, billi japplikaw is-​suġġerimenti li tipprovdi l-​organizzazzjoni dwar li jkollok programm prattiku u tajjeb biex tgħallem fil-​familja. L-​anzjan jenfasizza l-​importanza li l-​ġenituri japplikaw dak li l-​Kelma t’Alla tħeġġiġhom jagħmlu.​—Efes. 6:​1-4.

Għanja 63 u talba taʼ l-​għeluq.

Ġimgħa li Tibda 22 taʼ Marzu

Għanja 191

10 min: Avviżi lokali. Rapport tal-​kontijiet. Fakkar lil kulħadd biex isegwi l-​qari tal-​Bibbja għat-​Tifkira kif ġie ppjanat mit-​30 taʼ Marzu sa l-​4 t’April u kif muri fil-​ktejjeb Neżaminaw l-​Iskrittura Kuljum​—2004 u l-​kalendarju tax-​Xhieda taʼ Jehovah għall-​2004.

15 min: Bżonnijiet lokali.

20 min: “Assalt minn Kavallerija li Jinvolvi Lilek.”b Aqra u iddiskuti l-​iskritturi ċitati skond ma jippermetti l-​ħin.

Għanja 181 u talba taʼ l-​għeluq.

Ġimgħa li Tibda 29 taʼ Marzu

Għanja 129

10 min: Avviżi lokali. Fakkar lill-​pubblikaturi biex jitfgħu r-​rapporti tas-​servizz taʼ l-​għalqa għal Marzu. Semmi l-​offerta taʼ letteratura għal April. Uża s-​suġġerimenti f’paġna 4, u ħejji turijiet taʼ kif jiġi preżentat It-​Torri taʼ l-​Għassa taʼ l-​1 t’April u Stenbaħ! tat-​8 t’April.

15 min: Uża Tajjeb it-​2004 Yearbook. Taħdita u diskussjoni maʼ l-​udjenza. Semmi l-​punti prinċipali minn “Ittra Mingħand il-​Ġemgħa li Tiggverna,” ċifri li jispikkaw mir-​rapport taʼ madwar id-​dinja, u xi ftit esperjenzi li jsaħħu l-​fidi. Inkuraġġixxi lil kulħadd biex jaqra l-​ktieb kollu matul is-​sena.

20 min: Il-Verità Tgħaqqad il-​Familji. Taħdita u diskussjoni maʼ l-​udjenza. Uħud interessati kultant iżommu lura milli jaqdu lil Jehovah minħabba l-​oppożizzjoni minn membri tal-​familja. Ara li jiġu rakkontati xi ftit mill-​esperjenzi li ġejjin: It-​Torri taʼ l-​Għassa taʼ l-​1 taʼ Jannar, 2002, paġni 14-​15; It-​Torri taʼ l-​Għassa taʼ l-​1 taʼ Diċembru, 2000, paġna 8; It-​Torri taʼ l-​Għassa taʼ l-​1 taʼ Settembru, 1999, paġna 32; It-​Torri taʼ l-​Għassa taʼ l-​1 taʼ Jannar, 1999, paġna 4; u l-​Awake! tat-​22 taʼ Frar, 1998, paġna 31. Enfasizza li l-​ħajja tal-​familja ħafna drabi titjieb meta saħansitra membru wieħed tal-​familja japplika l-​prinċipji Bibliċi.

Għanja 130 u talba taʼ l-​għeluq.

Ġimgħa li Tibda 5 t’April

Għanja 126

10 min: Avviżi lokali.

20 min: L-Indafa Fiżika Tirrikkmandana. Taħdita bbażata fuq It-​Torri taʼ l-​Għassa taʼ l-​1 taʼ Ġunju, 2002, paġni 19-21. Inkludi turija fejn anzjan juri lil pijunier kif bit-​tattika jistaʼ jgħin lil student tal-​Bibbja biex jara l-​importanza taʼ li jżomm id-​dar u l-​bitħa tiegħu ndaf, billi juża lezzjoni 9, paragrafu 5, fil-​browxer X’Jirrikjedi.

15 min: Irrakkonta esperjenzi li tgawdew f’konnessjoni maʼ l-​osservanza tat-​Tifkira u l-​attività miżjuda fis-​servizz matul Marzu.

Għanja 25 u talba taʼ l-​għeluq.

[Noti taʼ taħt]