Skeda għal-​Laqgħat tas-​Servizz

Ġimgħa li Tibda 8 taʼ Diċembru

Għanja 221

10 min: Avviżi lokali. Avviżi magħżulin mill-​Ministeru tas-​Saltna. Uża s-​suġġeriment f’paġna 8, u ħejji turija taʼ kif jiġi preżentat It-​Torri taʼ l-​Għassa tal-​15 taʼ Diċembru flimkien maʼ ħarġa kurrenti taʼ Stenbaħ! għat-​territorju tiegħek. Minkejja li ssir preżentazzjoni fuq It-​Torri taʼ l-​Għassa biss, iż-​żewġ rivisti għandhom jiġu offruti flimkien.

20 min: “L-​Għaqda Kristjana Vera—Kif?”a Meta tkun qed tiddiskuti paragrafu 5, stieden lill-​udjenza biex tagħti l-​esperjenzi persunali tagħha dwar il-​konvenzjonijiet internazzjonali, il-​proġetti teokratiċi taʼ bini, jew ix-​xogħol għall-​għajnuna f’każ taʼ diżastri, li jenfasizzaw l-​għaqda Kristjana tagħna.

15 min: “L-​Iskola tal-​Ministeru Teokratiku għall-​2004.” Taħdita mill-​indokratur taʼ l-​iskola. Inkludi kummenti mill-​insert tal-​Ministeru tas-​Saltna t’Ottubru 2003.

Għanja 108 u talba taʼ l-​għeluq.

Ġimgħa li Tibda 15 taʼ Diċembru

Għanja 71

10 min: Avviżi lokali. Ħeġġeġ lil kulħadd biex jara l-​vidjo Transfusion-Alternative Health Care​—Meeting Patient Needs and Rights (Kura tas-​Saħħa Alternattiva għat-​Trasfużjoni—Jiġu Rispettati l-​Ħtiġijiet u d-​Drittijiet tal-​Pazjent) bħala preparazzjoni għad-​diskussjoni fil-​Laqgħa tas-​Servizz għall-​ġimgħa tad-​29 taʼ Diċembru. Iddiskuti l-​kaxxa “Jekk Jogħġbok Erġaʼ Żurhom mill-​Ewwel.” Enfasizza l-​arranġamenti speċjali għas-​servizz taʼ l-​għalqa għall-​25 taʼ Diċembru u għall-​1 taʼ Jannar.

15 min: Studju Persunali—Att taʼ Qima. Taħdita bbażata fuq it-​Torri taʼ l-​Għassa taʼ l-​1 t’Ottubru, 2000, paġni 14-15, paragrafi 6-10.

20 min: “Ngħinu lil Dawk b’‘Attitudni Xierqa.’”b Uża l-​mistoqsijiet provduti. Irrivedi l-​lista taʼ suġġerimenti biex tagħmel iż-​żjajjar lura li ssib fil-​kaxxa f’paġna 3 tal-​Ministeru tas-​Saltna taʼ Marzu 1997.

Għanja 42 u talba taʼ l-​għeluq.

Ġimgħa li Tibda 22 taʼ Diċembru

Għanja 10

12 min: Avviżi lokali. Rapport tal-​kontijiet. Uża s-​suġġerimenti f’paġna 8, u uri kif tippreżenta t-​Torri taʼ l-​Għassa taʼ l-​1 taʼ Jannar u Stenbaħ! tat-​8 taʼ Jannar. Fakkar lil kulħadd dwar il-​Laqgħa tas-​Servizz speċjali li se ssir il-​ġimgħa d-​dieħla, fejn se nkunu qegħdin nirrivedu l-​vidjo Patient Needs and Rights u se jiġi diskuss u mqassam id-​dokument Advance Medical Directive/Release (Direttiva/Eżenzjoni Medika bil-​Quddiem).

15 min: Bżonnijiet lokali.

18 min: “Infittxu lil Min Jixraqlu.”c Agħmel applikazzjoni lokali tal-​materjal. Meta għandu mnejn li l-​inkwilini jkunu iktar id-​dar? X’riżultati nkisbu billi sar xogħol tard wara nofs inhar jew kmieni fil-​għaxija? X’metodi jistgħu jintużaw biex isir kuntatt maʼ nies li bil-​kemm ikunu d-​dar?

Għanja 209 u talba taʼ l-​għeluq.

Ġimgħa li Tibda 29 taʼ Diċembru

Għanja 200

5 min: Avviżi lokali. Fakkar lill-​pubblikaturi kollha biex jitfgħu rrapporti tas-​servizz taʼ l-​għalqa għal Diċembru. Semmi l-​offerta taʼ letteratura għal Jannar.

17 min: “Vidjo li Jenfasizza Żvilupp Mediku Importanti.” Għandha tingħata minn anzjan kwalifikat. Aqra Atti 15:​28, 29 u enfasizza fil-​qosor li r-​raġuni prinċipali għala l-​Kristjani ma jiħdux trasfużjonijiet tad-​demm hi biex jonoraw il-​liġi t’Alla dwar il-​qdusija tad-​demm. Imbagħad ibda mill-​ewwel b’diskussjoni dwar il-​vidjo Patient Needs and Rights, billi tuża l-​mistoqsijiet li hemm provduti fl-​artiklu. Ikkonkludi billi taqra l-​aħħar paragrafu.

23 min: Niffaċċjaw Sfidi Mediċi b’Mod Fiduċjuż. Taħdita minn anzjan kwalifikat li juża l-​outline provdut mill-​uffiċċju lokali. Irrivedi l-​punti prinċipali mill-​kaxxa “Provvedimenti biex Jgħinuna Nitbiegħdu mid-​Demm.”

Għanja 182 u talba taʼ l-​għeluq.

Ġimgħa li Tibda 5 taʼ Jannar

Għanja 103

Nota: Il-​kongregazzjonijiet m’għandhomx iċaqalqu l-​Laqgħa tas-​Servizz tagħhom għal xi ġurnata li tiġi qabel matul il-​ġimgħa li tibda 5 taʼ Jannar sakemm ma jkunx qed iżurhom l-​indokratur tas-​circuit. Il-​kongregazzjonijiet kollha jridu jikkunsidraw l-​insert tal-​konvenzjoni fil-​Laqgħa tas-​Servizz bħalma ġie pjanat fl-​iskeda.

5 min: Avvizi lokali.

15 min: “L-​Uħud Iżgħar Għandhom Bżonn Eżempju Tajjeb.” Mistoqsijiet u tweġibiet. Intervista lil żagħżugħ jew tnejn li huma taʼ eżempju tajjeb. Għidilhom jispjegaw x’miri spiritwali għamlu għalihom infushom u kif l-​isforzi tagħhom ġabulhom iktar barkiet.

10 min: “Konvenzjoni Distrettwali tax-​Xhieda taʼ Jehovah għas-​sena 2004 ‘Imxi m’Alla.’” Għandha tingħata mis-​segretarju tal-​kongregazzjoni. Il-​konvenzjoni għas-​sena 2004 f’Malta se ssir mill-​10-12 taʼ Settembru, 2004 fil-​lukanda New Dolmen, Qawra. Inkuraġġixxi lil kulħadd biex mill-​iktar fis possibbli jagħmel l-​arranġamenti tiegħu għall-​konvenzjoni.

15 min: “Ipprepara lill-​Istudenti tal-​Bibbja għall-​Ministeru.” Mistoqsijiet u tweġibiet. Maʼ paragrafi 4 u 5, agħmel turija qasira li turi kif għandek tgħin lil student biex jipprepara ħalli jagħti xiehda fuq il-​bibien. L-​istudent jibda bi preżentazzjoni sempliċi billi juża Salm 37:11. L-​għalliem iwaqqfu, u jgħid: “Jien għandi r-​reliġjon tiegħi.” L-​istudent ma jkunx ċert x’għandu jgħid. It-​tnejn li huma jaraw il-​ktejjeb Kif Nibdew u Nkomplu, paġni 10-11, jirrivedu xi suġġerimenti, u jagħżlu waħda li l-​istudent iħossu komdu biha. L-​istudent ikompli bil-​preżentazzjoni, jagħti tweġiba tajba, u jħossu inkuraġġit bir-​riżultati.

Għanja 7 u talba taʼ l-​għeluq.

[Noti taʼ taħt]