Avviżi
◼ Offerta taʼ letteratura għal Awissu: Jistaʼ jintuża kwalunkwe browxer taʼ 32 paġna minn dawn li ġejjin: Gawdi l-Ħajja fuq l-Art Għal Dejjem!, Għandek Int Temmen fit-Trinità?, “Ħares! Qed Nagħmel l-Affarijiet Kollha Ġodda,” Meta Xi Ħadd Li Tħobb Imut, Veru li Alla Jimpurtah Minna?, X’Inhu l-Iskop tal-Ħajja—Kif Tistaʼ Ssibu?, u X’Jiġrilna meta Mmutu? Settembru: Magħqudin Fil-Qima Taʼ L-Uniku Alla Veru. Ottubru: Ir-rivisti t-Torri taʼ l-Għassa u Stenbaħ! Fejn jintwera l-interess, offri l-browxer X’Jirrikjedi, billi tagħmel sforz speċjali biex tibda studji tal-Bibbja. Novembru: Alla X’Jirrikjedi Minna? jew Għarfien Li Jwassal Għall-Ħajja Taʼ Dejjem. Jekk in-nies diġà għandhom minnhom, tistaʼ tiġi offruta xi pubblikazzjoni li ħarġet qabel. Tistgħu tiċċekkjaw maʼ kongregazzjonijiet fil-qrib jekk għandhomx pubblikazzjonijiet li ħarġu qabel żejda u disponibbli jekk m’għandkomx maħżunin.
◼ Il-kongregazzjonijiet għandhom jibdew jordnaw it-2003 Calendar of Jehovah’s Witnesses, Neżaminaw l-Iskrittura Kuljum—2003, u t-2003 Yearbook of Jehovah’s Witnesses maʼ l-ordni tagħhom tal-letteratura li jmiss. Dawn il-pubblikazzjonijiet kollha se jkunu disponibbli bl-Albaniż, biċ-Ċek, biċ-Ċiniż, bil-Finlandiż, bil-Franċiż, bil-Ġappuniż, bil-Ġermaniż, bil-Grieg, bl-Għarbi, bl-Ingliż, bl-Ispanjol, bl-Isvediż, bil-Korean, bil-Kroat, bin-Norveġiż, bil-Pollakk, bil-Portugiż, bir-Rumen, bir-Russu, bis-Serbjan (Ċirilliku), bis-Slovakk, bit-Taljan, u bl-Ungeriż. Ukoll, it-2003 Calendar of Jehovah’s Witnesses jistaʼ jiġi ordnat bl-Afrikaans, bl-Armen, bl-Armen tal-Lvant, bil-Bulgaru, bid-Daniż, bl-Ebrajk, bil-Ħindi, bl-Olandiż, bit-Tajlandiż, bit-Tork, u bl-Ukrain. Neżaminaw l-Iskrittura Kuljum—2003 jistaʼ wkoll jiġi ordnat bl-Amariku, bl-Armen, bl-Armen tal-Lvant, bil-Bengali, bil-Bulgaru, bis-Cebuano, biċ-Ċiniż (Simplifikat), bid-Daniż, bl-Ebrajk, bl-Ewen, bil-Gujarati, bil-Ħindi, bl-Ilokan, bl-Indoneżjan, bil-Kambodjan, bil-Maċedoni, bil-Malaja, bil-Malti, bl-Olandiż, bil-Papiamento (Curaçao), bil-Persjan, bil-Piġin tal-Gżejjer Solomon, bil-Punġabi (Gurmukhi), bis-Samoan, bis-Swaħili, bit-Tagalog, bit-Tajlandiż, bit-Tigrinya, bit-Tork, bit-Twi, bl-Ukrain, bl-Urdu, u bil-Vjetnamiż. It-2003 Yearbook of Jehovah’s Witnesses jistaʼ wkoll jiġi ordnat bis-Cebuano, bl-Ilokan, bl-Indoneżjan, bl-Olandiż, u bit-Tagalog.
◼ L-indokratur li jippresiedi għandu jara li l-kontijiet tal-kongregazzjoni jiġu awditjati fl-1 taʼ Settembru jew kemm jistaʼ jkun malajr wara din id-data. Meta dan ikun sar, agħmel avviż lill-kongregazzjoni wara li jkun inqara r-rapport tal-kontijiet li jmiss.
◼ L-inventarju annwali tal-letteratura u r-rivisti kollha disponibbli għandu jsir fil-31 t’Awissu, 2002 jew kemm jistaʼ jkun qrib dik id-data. Dan l-inventarju huwa simili għal dak li jagħmel il-koordinatur tal-letteratura meta kull xahar jgħodd kollox, u t-totali jridu jitniżżlu fil-formola tal-Literature Inventory (S-18). L-ammont totali taʼ rivisti disponibbli jistaʼ jinkiseb mill-aħwa inkarigati mir-rivisti f’kull kongregazzjoni fil-grupp tal-letteratura. Il-kongregazzjoni li tieħu ħsieb il-koordinazzjoni se tirċievi tliet formoli tal-Literature Inventory (S-18). Jekk jogħġobkom ibagħtu l-oriġinali bil-posta lill-uffiċċju tas-Soċjetà f’Malta mhux iktar tard mis-6 taʼ Settembru. Żommu kopja għall-files tagħkom. It-tielet kopja tistaʼ tintuża bħala karta biex taħdmu fuqha. Is-segretarju tal-kongregazzjoni li tieħu ħsieb il-koordinazzjoni għandu jiċċekkja l-inventarju. Hu u l-indokratur li jippresiedi tal-kongregazzjoni li tieħu ħsieb il-koordinazzjoni mbagħad jiffirmaw il-formola.