Skeda għal-​Laqgħat tas-​Servizz

Ġimgħa li Tibda 11 taʼ Marzu

Għanja 2

13 min: Avviżi lokali. Avviżi magħżulin minn Il-​Ministeru tas-​Saltna. Uża s-​suġġerimenti f’paġna 8, u ħejji turija taʼ kif jiġi preżentat it-​Torri taʼ l-​Għassa tal-​15 taʼ Marzu, waqt li jintwera mod kif wieħed iwieġeb lil xi ħadd li jipprova jwaqqaf l-​konversazzjoni billi jgħid, “M’iniex interessat.”—Ara l-​ktejjeb Kif Nibdew u Nkomplu Diskussjonijiet Fuq Il-​Bibbja, paġna 8, 9. Semmi l-​arranġamenti speċjali għas-​servizz taʼ l-​għalqa fil-​festa pubblika taʼ nhar it-​Tlieta, 19 taʼ Marzu.

12 min: Huwa l-​Għoti Tiegħek Sagrifiċċju? Taħdita mill-​indokratur li jippresiedi bbażata minn fuq il-​Watchtower, taʼ l-​1 taʼ Diċembru 1987, paġni 28-31.

20 min: “Stagħnew b’Opri Tajba.”a Għandha tingħata mill-​indokratur tas-​servizz. Ħeġġeġ lil kulħadd biex jieħu sehem bis-​sħiħ fil-​ministeru bħala preparazzjoni għall-​osservanza tal-​Mafkar fit-​28 taʼ Marzu. Iddiskuti kif l-​inviti stampati jistgħu jintużaw bl-​aħjar mod. Stieden lill-​pubblikaturi jirrakkontaw kif irnexxielhom jikkonvinċu lill-​qraba, lill-​ġirien, lill-​istudenti tal-​Bibbja, u lil uħud interessati oħrajn biex jattendu għall-​Mafkar tas-​sena l-​oħra u x’ferħ ġabilhom dan. Ħeġġeġ lil kulmin jistaʼ biex jaqdi bħala pijunier awżiljarju f’April u biex jikseb formola taʼ l-​applikazzjoni wara l-​laqgħa.

Għanja 82 u talba taʼ l-​għeluq.

Ġimgħa li Tibda 18 taʼ Marzu

Għanja 7

10 min: Avviżi lokali. Rapport tal-​kontijiet. Iddiskuti t-​“Tfakkiriet għall-​Mafkar.” Ħeġġeġ lil kulħadd biex isegwi l-​iskeda tal-​qari tal-​Bibbja għall-​Mafkar mit-​23 sat-​28 taʼ Marzu, bħalma hu mniżżel f’Neżaminaw l-​Iskrittura Kuljum—2002.

15 min: “Magħqudin bil-​Ferħ maʼ Jehovah u Ibnu.” Taħdita li tqanqal mill-​Iskrittura li tingħata minn anzjan. Ħeġġeġ lil kulħadd biex jagħmel sforz akbar bejn issa u t-​28 taʼ Marzu biex jistieden lil kemm jistaʼ jkun nies ħalli jattendu l-​Mafkar magħna.

20 min: Kif Qed Tibbenefika mill-​Yearbook? Taħdita u diskussjoni maʼ l-​udjenza. L-​ewwel, enfasizza l-​punti prinċipali fl-​“Ittra Mingħand il-​Ġemgħa li Tiggverna,” li tinsab f’paġna 6 taʼ din il-​ħarġa taʼ Il-​Ministeru tas-​Saltna. Imbagħad, staqsi lil dawk fl-​udjenza biex isemmu rapporti u esperjenzi fil-​Yearbook li sabuhom taʼ inkuraġġiment speċjali u saħħewlhom il-​fidi. Ħeġġeġ lil kulħadd jaqra l-​Yearbook kollu u jużah biex jgħin lill-​istudenti tal-​Bibbja jsiru familjari maʼ l-​organizzazzjoni taʼ Jehovah.

Għanja 45 u talba taʼ l-​għeluq.

Ġimgħa li Tibda 25 taʼ Marzu

Għanja 27

7 min: Avviżi lokali. Spjega li għadu m’huwiex tard wisq biex dak li jkun japplika ħalli jaqdi bħala pijunier awżiljarju f’April. Semmi l-​arranġamenti speċjali għas-​servizz taʼ l-​għalqa fil-​festa pubblika taʼ nhar il-​Ġimgħa, 29 taʼ Marzu.

18 min: “‘Għotjiet fi Rġiel’ Jirgħu lill-​Merħla t’Alla bil-​Ħeġġa.” Taħdita minn anzjan. Uri kif esperjenzi inkuraġġanti jistgħu jirriżultaw, u fil-​fatt hekk jiġri, meta jsiru żjajjar pastorali fuq uħud inattivi u meta tingħata għajnuna lill-​morda biex jagħmlu l-​aħjar li jistgħu. Rgħajja kollhom imħabba juru apprezzament għall-​isforzi kollha tagħhom mill-​qalb biex jibqgħu attivi fis-​servizz taʼ Jehovah.

20 min: “Żid il-​Ferħ Tiegħek fl-​Ippridkar.”b Meta tkun qed tiddiskuti paragrafu 5, itlob suġġerimenti prattiċi dwar kif inkunu effettivi bl-​aħjar mod fit-​territorju lokali. Ħejji turija jew tnejn taʼ eżempji kif forsi nistgħu nieħdu l-​inizjattiva biex immorru fuq xi ħadd u nagħtuh xiehda fil-​qosor. Ħeġġeġ lil kulħadd biex joħloq opportunitajiet ħalli jagħti xiehda matul din il-​ġimgħa.

Għanja 15 u talba taʼ l-​għeluq.

Ġimgħa li Tibda 1 t’April

Għanja 12

14 min: Avviżi lokali. Fakkar lill-​pubblikaturi biex jitfgħu r-​rapport tas-​servizz taʼ l-​għalqa għal Marzu. Uża s-​suġġerimenti f’paġna 8, u ħejji turija minn anzjan taʼ kif jiġi preżentat it-​Torri taʼ l-​Għassa taʼ l-​1 t’April u minn żagħżugħ li juri kif jiġi preżentat Stenbaħ! tat-​8 t’April. Wara kull turija, enfasizza xi aspetti tajbin li kien hemm fil-​preżentazzjoni.

15 min: Bżonnijiet lokali.

16 min: Uża l-​Ktieb Reasoning biex Tagħti l-​Inkuraġġiment. Diskussjoni maʼ l-​udjenza. Kulħadd ikollu bżonn taʼ inkuraġġiment b’imħabba minn żmien għall-​ieħor. Għalhekk, ilkoll għandna nħossu l-​bżonn li ‘nagħmlu l-​qalb’ lil oħrajn, inkluż dawk li niltaqgħu magħhom fil-​ministeru li jkunu mnikktin. (1 Tess. 5:14) Bl-​użu tal-​ktieb Reasoning, stieden lil dawk fl-​udjenza biex isemmu liema inkuraġġiment Skritturali kieku jaqsmu maʼ xi ħadd li jkun għaddej minn xi waħda mill-​provi msemmijin f’paġni 117-21. Issuġġerixxi li kulħadd individwalment jipprova jinkuraġġixxi lil xi ħadd kulmeta jkun hemm il-​bżonn.—Gal. 6:10.

Għanja 131 u talba taʼ l-​għeluq.

[Noti taʼ taħt]