Skeda għal-​Laqgħat tas-​Servizz

Ġimgħa li Tibda 11 taʼ Frar

Għanja 6

12 min: Avviżi lokali. Avviżi magħżulin minn Il-​Ministeru tas-​Saltna. Inkuraġġixxi lil kulħadd biex jaqra jew jirrivedi Ġenesi 6:1 sa 9:19 u jara l-​vidjo Noah—He Walked With God bħala preparazzjoni għad-​diskussjoni fil-​Laqgħa tas-​Servizz għall-​ġimgħa tal-​25 taʼ Frar. Iddiskuti l-​“Programm Ġdid tal-​Jum t’Assemblea Speċjali.” Ħabbar id-​data tal-​jum t’assemblea speċjali li jmiss, u ħeġġeġ lil kulħadd biex jattendi għall-​programm kollu. Ħeġġeġ lill-​pubblikaturi biex jistiednu lill-​uħud interessati ġodda u lill-​istudenti tal-​Bibbja.

20 min: “Inxandru b’Mod Sħiħ il-​Kelma taʼ Alla.”a (Paragrafi 1-13) Għandha tingħata mill-​indokratur li jippresiedi. Diskussjoni vivaċi dwar dak li nixtiequ nwettqu f’Marzu u wara. Kulħadd għandu juża l-​kalendarju provdut f’dan l-​insert biex jippjana skeda prattika ħalli jagħti l-​akbar sehem fil-​ministeru matul Marzu. Ħeġġeġ lil kulmin jistaʼ biex jaqdi bħala pijunier awżiljarju f’dak ix-​xahar. Meta tkun qed tiddiskuti paragrafi 7-8, staqsi lil dawk li qdew bħala pijunieri fl-​istaġun tal-​Mafkar li għadda biex jesprimu l-​barkiet li gawdew. Ħabbar li l-​applikazzjonijiet għal dawk li jridu jaqdu bħala pijunieri awżiljarji se jkunu disponibbli wara l-​laqgħa.

13 min: “X’Nistgħu Ngħidu dwar ir-​Rivisti.” Staqsi lill-​pubblikaturi dwar kif dan l-​aspett f’Il-Ministeru tas-​Saltna għenhom biex ikunu preparati aħjar f’li jqabblu l-​artikli mal-​ġrajjiet inkwetanti f’dawn iż-​żminijiet kritiċi. Liema esperjenzi kellhom xi wħud f’li jġibu serħan lin-​nies u jgħinuhom isibu tweġibiet mill-​Bibbja għall-​mistoqsijiet li jinkwetawhom? Uri kif issir preżentazzjoni bit-​Torri taʼ l-​Għassa tal-​15 taʼ Frar.

Għanja 49 u talba taʼ l-​għeluq.

Ġimgħa li Tibda 18 taʼ Frar

Għanja 95

8 min: Avviżi lokali. Rapport tal-​kontijiet.

12 min: “L-​Iktar Nies Ferħana fuq l-​Art.”b Inkludi fil-​qosor “Passi li Jwasslu għall-​Ferħ,” f’paġna 6 tat-​Torri taʼ l-​Għassa, taʼ l-​1 taʼ Novembru, 1997.

25 min: “Inxandru b’Mod Sħiħ il-​Kelma taʼ Alla.”c (Paragrafi 14-23) Għandha tingħata mill-​indokratur tas-​servizz. Irrivedi l-​pjanijiet speċjali li qed isiru lokalment għal attività miżjuda f’Marzu. Semmi l-​iskeda kollha għal-​laqgħat tas-​servizz taʼ l-​għalqa li hemm pjanati għax-​xahar. Iffoka fuq li tingħata għajnuna lil dawk li saru inattivi biex jerġgħu jsiru attivi, u lit-​tfal u lill-​istudenti tal-​Bibbja biex jikkwalifikaw bħala pubblikaturi mhux mgħammdin. Ħabbar l-​ismijiet taʼ dawk li applikaw biex jaqdu bħala pijunieri awżiljarji f’Marzu, u ħeġġeġ lil iktar uħud biex jaħsbu bit-​talb dwar li jingħaqdu magħhom.

Għanja 143 u talba taʼ l-​għeluq.

Ġimgħa li Tibda 25 taʼ Frar

Għanja 174

15 min: Avviżi lokali. Ħejji turija taʼ żewġ preżentazzjonijiet qosra—f’waħda uża t-​Torri taʼ l-​Għassa taʼ l-​1 taʼ Marzu u fl-​oħra uża Stenbaħ! tat-​8 taʼ Marzu. Ara li xi ħadd żagħżugħ jagħmel waħda minnhom. Fakkar lill-​pubblikaturi biex jitfgħu r-​rapport tas-​servizz taʼ l-​għalqa għal Frar.

15 min: “L-​Effett tal-​Vidjos li Jagħtu Xiehda.” Diskussjoni maʼ l-​udjenza. Sa issa, matul il-​programm tal-​Laqgħa tas-​Servizz irrivedejna tmienja mill-​vidjos li għandna. Wara li tiddiskuti fil-​qosor l-​eżempji li ngħataw fl-​artiklu, staqsi lill-​pubblikaturi biex jirrakkontaw is-​suċċess li kellhom meta wrew il-​vidjos lil ħaddieħor.

15 min: “Kulħadd Jistaʼ Jitgħallem mill-​Vidjo Noah—He Walked With God.” Ibda mill-​ewwel b’diskussjoni maʼ l-​udjenza tal-​vidjo Noah, waqt li tuża biss il-​mistoqsijiet li hemm fil-​kaxxa f’din il-​paġna. F’April se nirrivedu l-​vidjo Young People Ask​—How Can I Make Real Friends? (Iż-Żgħażagħ Jistaqsu—Kif Jistaʼ Jkolli Ħbieb Veri?)

Għanja 215 u talba taʼ l-​għeluq.

Ġimgħa li Tibda 4 taʼ Marzu

Għanja 207

5 min: Avviżi lokali.

12 min: Bżonnijiet lokali.

12 min: Nużaw il-​Ktieb Għarfien biex Nibdew Studji. Matul Marzu nixtiequ nagħmlu sforz speċjali biex nibdew studji tal-​Bibbja fid-​djar. Semmi fil-​qosor l-​esperjenza f’Il-Ministeru tas-​Saltna t’Awissu 1998, paġna 4, paragrafu 8. Jekk xi ħadd beda studju tal-​Bibbja dan l-​aħħar minn fuq il-​ktieb Għarfien, ħejji turija taʼ kif dan ġara fir-​realtà. Fakkar lil kulħadd dwar is-​“Suġġerimenti Kif Nippreżentaw il-​Ktieb Għarfien,” fl-​insert taʼ Il-​Ministeru tas-​Saltna taʼ Jannar 2002. Billi jintuża dan il-​ktieb, ħejji turija taʼ wieħed mis-​suġġerimenti f’paġna 6 taʼ l-​insert li hemm taħt “Il-​Metodu Dirett.”

16 min: “Għala Nkomplu Nippridkaw?”d Inkludi xi intervisti maʼ pubblikatur jew tnejn li baqgħu jippridkaw għal perijodu taʼ ħafna snin. Għidilhom biex jaqsmu magħna kif iħossuhom dwar għala baqgħu jippersistu fix-​xogħol u kif dan kien taʼ benefiċċju għalihom.

Għanja 223 u talba taʼ l-​għeluq.

[Noti taʼ taħt]