Skeda għal-​Laqgħat tas-​Servizz

Ġimgħa li Tibda 12 taʼ Novembru

Għanja 170

8 min: Avviżi lokali. Avviżi magħżulin minn Il-​Ministeru tas-​Saltna.

15 min: “Strieħ fuq Jehovah għall-​Qawwa.”a Inkludi xi kummenti fil-​qosor mit-​Torri taʼ l-​Għassa taʼ l-​1 t’Ottubru, 1999, paġni 18-19, paragrafi 6-8.

22 min: “Għandna Għodda Ġdida biex Nibdew Studji tal-​Bibbja!” Diskussjoni maʼ l-​udjenza li għandha tingħata mill-​indokratur tas-​servizz. Jekk inhu disponibbli ara li l-​attendants iqassmu lil kulħadd fl-​attendenza kopja tal-​fuljett il-​ġdid Tixtieq Tkun Taf Iżjed dwar il-​Bibbja? Inkludi turija taʼ preżentazzjoni mħejjija sew filwaqt li jintuża s-​suġġeriment li hemm fil-​kaxxa “X’Nistgħu Ngħidu dwar ir-​Rivisti” dwar kif nistgħu noffru It-​Torri taʼ l-​Għassa tal-​15 taʼ Novembru. Il-​pubblikatur jikkonkludi billi jagħti l-​fuljett Kun Af il-​Bibbja lill-​inkwilin. Ħeġġeġ lil kulħadd biex iħalli l-​fuljett il-​ġdid maʼ kulmin jiltaqaʼ fil-​ministeru.

Għanja 191 u talba taʼ l-​għeluq.

Ġimgħa li Tibda 19 taʼ Novembru

Għanja 172

8 min: Avviżi lokali. Rapport tal-​kontijiet.

15 min: “X’Inhi l-​Mira?”b Enfasizza l-​importanza taʼ li l-​istudenti tal-​Bibbja jiġu megħjunin biex jaraw kemm huwa importanti li jattendu l-​laqgħat tal-​kongregazzjoni. Inkludi turija preparata sew dwar kif dan għandu jsir, bl-​użu taʼ kapitlu 17, paragrafi 6-8, mill-​ktieb Għarfien.

22 min: “Żviluppa s-​Sens Tiegħek biex Tagħżel.”c Anzjan jikkonduċi reviżjoni vivaċi tal-​programm għall-​jum t’assemblea speċjali li sar fis-​sena taʼ servizz li għaddiet.

Għanja 195 u talba taʼ l-​għeluq.

Ġimgħa li Tibda 26 taʼ Novembru

Għanja 177

15 min: Avviżi lokali. Fakkar lill-​pubblikaturi biex jitfgħu r-​rapport tas-​servizz taʼ l-​għalqa għal Novembru. Uża s-​suġġerimenti li hemm fil-​parti “X’Nistgħu Ngħidu dwar ir-​Rivisti,” u ħejji turija taʼ żewġ preżentazzjonijiet qosra preparati sew bir-​rivisti—f’waħda uża It-​Torri taʼ l-​Għassa taʼ l-​1 taʼ Diċembru u fl-​oħra uża Stenbaħ! tat-​8 taʼ Diċembru. Imbagħad spjega kif nistgħu nsibu preżentazzjoni biex nużawha meta nkunu qed noffru l-​ktieb L-​Aqwa Bniedem jew xi pubblikazzjoni oħra li se tintuża matul Diċembru. Fittex fil-​Watch Tower Publications Index taħt “Presentations” (Preżentazzjonijiet) taħt is-​sottitlu tan-​nofs “List by Publication” (Lista Skond il-​Pubblikazzjoni). Semmi xi eżempju jew tnejn. Fakkar lil kulħadd biex juża taʼ spiss il-​fuljett Tixtieq Tkun Taf Iżjed dwar il-​Bibbja?

15 min: “Fejn Nistaʼ Nsib il-​Ħin?” Taħdita u diskussjoni maʼ l-​udjenza. Inkludi l-​punti prinċipali mit-​Torri taʼ l-​Għassa taʼ l-​1 t’Ottubru, 2000, paġni 20-1, paragrafi 9-10, taħt is-​sottitlu “Kif Xi Wħud Jagħmlu l-​Ħin għall-​Istudju.” Stieden lil dawk fl-​udjenza biex jitkellmu dwar modi prattiċi li bihom irnexxielhom isibu l-​ħin għal affarijiet iktar importanti billi eliminaw attivitajiet oħra li m’humiex neċessarji. Enfasizza l-​bżonn li dak li jkun iqassam il-​ħin għall-​istudju persunali u dak tal-​familja, il-​laqgħat tal-​kongregazzjoni, il-​ministeru taʼ l-​għalqa, u l-​qari tal-​Bibbja taʼ kuljum.

15 min: Iż-​Żgħar Qed Ifaħħru lil Jehovah. Diskussjoni maʼ l-​udjenza. Il-​biċċa l-​kbira mill-​kongregazzjonijiet għandhom ħafna tfal li jieħdu sehem fix-​xogħol taʼ l-​ippridkar. Huwa xieraq li huma jagħmlu dan, anki jekk dan ifisser li jagħtu xiehda l-​iktar lill-​kbar. (Salm 148:12, 13; Mt. 21:15, 16) Meta l-​ġenituri u pubblikaturi oħrajn jieħdu interess f’li jipprovdu t-​taħriġ u l-​inkuraġġiment, iż-​żgħar jesperjenzaw ħafna ferħ fis-​servizz taʼ l-​għalqa. Stieden lil dawk fl-​udjenza biex jagħtu xi suġġerimenti dwar kif jistgħu jinkludu liż-​żgħar fix-​xogħol minn dar għal dar u fiż-​żjajjar lura. Staqsi lill-​ġenituri biex jitkellmu dwar x’għamlu biex għenu lil uliedhom jitgħallmu kif joffru r-​rivisti, jużaw il-​Bibbja fil-​preżentazzjonijiet tagħhom, u jitkellmu b’mod kunfidenti fuq il-​bibien. Enfasizza kemm huwa taʼ benefiċċju li nagħtu l-​prosit lit-​tfal. Intervista pubblikatur żgħir jew tnejn, u ħallihom jgħidu kif qed jieħdu gost fix-​xogħol taʼ l-​ippridkar u għala.

Għanja 198 u talba taʼ l-​għeluq.

Ġimgħa li Tibda 3 taʼ Diċembru

Għanja 179

8 min: Avviżi lokali.

17 min: Aspetti tal-​Ktieb Reasoning. Diskussjoni maʼ l-​udjenza. Ikkunsidra l-​eżempji li ġejjin taʼ kif diversi aspetti fil-​ktieb huma utli ħafna f’li jispjegaw tagħlim Bibliku: Definizzjonijiet, bħal per eżempju taʼ “Kingdom” (Saltna) (paġni 225-6) jew “spirit” (spirtu) (paġna 380); traduzzjonijiet minn verżjonijiet differenti biex jitqabblu bejniethom, li juru fejn u kif l-​isem t’Alla jintuża fil-​Bibbja (paġni 191-3) jew il-​verità dwar l-​infern (paġni 169-70); listi, li jitkellmu fid-​dettall dwar it-​twemmin li jagħmilna differenti minn reliġjonijiet oħra (paġni 199-201) jew li juru kif persuna tistaʼ tkun taf liema reliġjon hija l-​waħda t-​tajba (paġni 328-30); tagħrif storiku, li jikxef l-​oriġini tal-​Milied (paġni 176-8) jew in-​newtralità tal-​Kristjani tal-​bidu (paġni 273-5); evidenza xjentifika, li tappoġġa l-​ħolqien (paġni 85-6) jew biex turi l-​ħsara li jagħmel l-​użu tal-​marijuana jew tat-​tabakk (paġni 108-11). Ħeġġeġ lill-​pubblikaturi biex jużaw din l-​għodda eċċellenti għat-​tagħlim kulmeta tiġihom l-​opportunità fil-​ministeru taʼ l-​għalqa.

20 min: “Barkiet Meta Nuru Apprezzament għall-​Imħabba taʼ Jehovah—L-​Ewwel Parti.”d Meta tkun qed tiddiskuti paragrafi 3-6, stieden lil dawk fil-​kongregazzjoni biex jirrakkontaw xi esperjenzi inkuraġġanti li kellhom fix-​xogħol minn dar għal dar, fl-​għoti taʼ xiehda fit-​toroq, u fl-​attività taż-​żjajjar lura u taʼ l-​istudji tal-​Bibbja.

Għanja 200 u talba taʼ l-​għeluq.

[Noti taʼ taħt]