Jibqgħu Impressjonati

KULL sena, ix-​Xhieda taʼ Jehovah fil-​pajjiżi rispettivi tagħhom jiltaqgħu flimkien għal assembleat u konvenzjonijiet Kristjani. Dan jagħmluh sabiex igawdu mit-​tagħlim u s-​sħubija li jibnuhom spiritwalment. Iżda aspetti oħra tal-​laqgħat tagħhom jistgħu jġagħlu lil xi wħud ġodda jibqgħu impressjonati.

Per eżempju, f’Lulju taʼ l-​1999, eluf taʼ Xhieda fil-​Możambik iltaqgħu għat-​tlett ijiem tal-​Konvenzjoni Distrettwali “Il-​Kelma Profetika t’Alla” li tant saħħithom. Ħafna minn dawk preżenti kienu qed jattendu l-​konvenzjoni għall-​ewwel darba. Baqgħu impressjonati mhux biss bil-​kliem li semgħu minn fuq il-​platform iżda wkoll b’dak li raw madwarhom.

Kumment wieħed li sar f’Sala taʼ l-​Assemblea f’Maputo kien: “Qatt ma rajt post sabiħ daqs dan f’ħajti kollha! It-​tojlits kellhom is-​sapun u l-​mirja, u kien hemm riħa taʼ ndafa. Kien hemm atmosfera taʼ paċi mingħajr ma tismaʼ l-​ebda tfal jiġġieldu. U ma kien hemm ħadd li qagħad jimbotta! Jien rajt żgħażagħ ferħanin ikellmu u jinkuraġġixxu lil xulxin. Bqajt impressjonata wkoll bil-​mod kif kulħadd kien liebes pulit. Darb’oħra, se nġib lit-​tfal u se nikkonvinċi lir-​raġel li aħna bħala familja rridu bilfors nattendu għall-​konvenzjoni.”

Iva, l-​onestà, l-​integrità, u l-​indafa fiżika tax-​Xhieda taʼ Jehovah ma jistgħux ma jiġux innotati. Ix-​Xhieda għala huma differenti? Għaliex huma verament jipprovaw japplikaw dak li jitgħallmu mill-​Bibbja. Għax ma tingħaqadx magħhom din is-​sena fil-​konvenzjonijiet nazzjonali jew fil-​laqgħat taʼ kull ġimgħa tagħhom fis-​Sala tas-​Saltna lokali, u b’hekk tkun tistaʼ tara b’għajnejk stess?

[Stampa f’paġna 32]

ZAMBJA

[Stampa f’paġna 32]

KENJA

[Stampa f’paġna 32]

Możambik