Aqra maʼ Wliedek

Skond ir-​rivista Brażiljana Veja, tfal li l-​ġenituri tagħhom huma qarrejja diliġenti għandhom iktar ċans li jsiru jħobbu l-​qari minn tfal li m’għandhom lil ħadd fid-​dar min jagħtihom dan l-​eżempju. “Il-​qari flimkien isaħħaħ l-​intimità bejn il-​ġenituri u t-​tfal u jagħmilha possibbli biex it-​tfal jassorbu aħjar il-​kontenut tal-​kotba,” tinnota Martha Hoppe, speċjalista fil-​qasam taʼ l-​iżvilupp tat-​tfal.

Li taqra tgħajjat lil uliedek jagħtik ukoll l-​opportunità li twieġeb il-​mistoqsijiet tagħhom. Tistaʼ tiddiskuti xi stampi li jkun hemm flimkien mal-​materjal. “Iktar ma t-​tifel jifhem il-​kontenut tal-​kotba,” tosserva Hoppe, “iktar se jiżviluppa l-​ħeġġa li jfittixhom meta jkun irid jissodisfa l-​kurżità.”

Ħafna ġenituri fost ix-​Xhieda taʼ Jehovah jieħdu gost jaqraw maʼ wliedhom. Forsi jaqraw pubblikazzjonijiet bħal Il-​Ktieb Tiegħi taʼ Stejjer mill-​Bibbja, Listening to the Great Teacher, u L-​Aqwa Bniedem Li Qatt Għex.a Kotba bħal dawn mhux biss jgħinu lit-​tfal isiru qarrejja tajbin imma wkoll, ikabbru l-​interess tagħhom fl-​iktar ktieb mibjugħ fid-​dinja​—il-​Bibbja Mqaddsa. Għalhekk, jekk int ġenitur, kun int li tagħti l-​eżempju lil uliedek billi tkun qarrej entużjast tal-​Kelma t’Alla. (Ġożwè 1:7, 8, NW) U agħmel kull sforz biex tieħu l-​ħin biex taqralhom!

[Nota taʼ taħt]