Wieħed Studjuż Jiddata Manuskritt Bibliku mill-Ġdid
Skond Carsten Peter Thiede, espert Ġermaniż fil-papiroloġija, hemm evidenza qawwija li tliet frammenti tal-papiru tal-Vanġelu taʼ Mattew (magħrufin bħala l-Magdalen Papyrus) inkitbu fl-ewwel seklu.
Wara li qabbel il-frammenti (li fihom partijiet minn Mattew kapitlu 26) maʼ ittra kummerċjali antika misjuba fl-Eġittu, Thiede innota li d-dokument Eġizzjan jixbah “lill-Magdalen Papyrus qisu t-tewmi tiegħu—fid-dehra ġenerali u fis-sura u l-forma taʼ l-ittri individwali.” Thiede u l-ko-awtur Matthew D’Ancona, fil-ktieb tagħhom Eyewitness to Jesus—Amazing New Manuscript Evidence About the Origin of the Gospels, jikkonkludu li x-xebh bejn iż-żewġ dokumenti jindika li dawn inkitbu bejn wieħed u ieħor fl-istess żmien. Meta? Id-dokument kummerċjali huwa ddatat “‘Fis-sena 12 taʼ Neruni l-Mulej, fit-30 taʼ Epeiph—li, skond il-kalendarju tagħna, huwa l-24 taʼ Lulju, 66 [E.K.]”
“Din id-data, jekk hija eżatta, għandha sinjifikat kbir,” jikkummenta l-Professur Philip W. Comfort, f’artiklu ppubblikat fit-Tyndale Bulletin, “għax tpoġġi manuskritt tal-Vanġelu taʼ Mattew fl-istess seklu li nkiteb fih.” Din tagħmel ukoll lill-Magdalen Papyrus l-eqdem frammenti tal-Vanġelu li jeżistu.
[Stampa f’paġna 29]
Il-Magdalen Papyrus, muri fid-daqs attwali
[Sors]
Bil-permess taʼ the President and Fellows of Magdalen College, Oxford