L-​Iktar Laqgħa Importanti tas-​Sena—Nixtiequ Nistednuk!

Il-​Ħamis, 24 taʼ Marzu, 2005, se sseħħ ġrajja li żgur ma tridx titlifha. Din hija l-​ġurnata fejn iktar minn sitt miljun Xhud taʼ Ġeħova madwar id-​dinja u miljuni taʼ ħbieb se jiltaqgħu lokalment biex ifakkru l-​aħħar ċena li Ġesù kellu mad-​dixxipli tiegħu. Fi qbil maʼ l-​istruzzjonijiet li ta Ġesù, f’kull laqgħa se jiġi mqassam ħobż bla ħmira u nbid aħmar, u se jiġi spjegat it-​tifsir taʼ din iċ-​ċerimonja.​—Marku 14:​22-24.

Għal ħafna nies, din il-​ġrajja hija magħrufa bħala l-​Aħħar Ċena, jew L-​Ikla taʼ fil-​Għaxija tal-​Mulej. Ix-​Xhieda taʼ Ġeħova jsejħulha t-​Tifkira tal-​mewt taʼ Ġesù. Hija tfakkira vitali tas-​sagrifiċċju li Ġesù Kristu għamel għall-​benefiċċju tal-​bnedmin midinbin permezz tal-​mewt tiegħu. (Ġwanni 3:​16; 1 Ġwanni 2:2) Wara l-​aħħar ikla tiegħu, Ġesù ġie arrestat u iktar tard miet fuq zokk daqslikieku kien wieħed li kkommetta xi ħażen.​—Ġwanni 19:​17, 18.

Int se tiġi milqugħ mill-​qalb għal din il-​laqgħa speċjali, l-​iktar waħda importanti fil-​kalendarju tax-​Xhieda taʼ Ġeħova. Jekk jogħġbok iċċekkja mas-​Sala tas-​Saltna fil-​lokalità tiegħek għall-​ħin eżatt u l-​post fejn se ssir il-​laqgħa.