Avukat Ifittex l-Għajnuna
Avukat, li jħossu mnikket minħabba l-għadd taʼ żwiġijiet li qed jispiċċaw f’divorzju, kiteb dan li ġej lill-uffiċċju tal-fergħa tax-Xhieda taʼ Jehovah fil-Brażil: “Ħafna mill-klijenti li jiġu l-uffiċċju tiegħi jkunu diġà għaddejjin mill-proċess taʼ separazzjoni. Inħossni frustrat ħafna meta nismagħhom isemmu r-raġunijiet għala se jtemmu ż-żwieġ tagħhom, bħalma huma n-nuqqas taʼ komunikazzjoni u mħabba ġenwina. Ma jafu xejn dwar il-pariri li hemm fil-pubblikazzjonijiet tagħkom.”
Peress li kien familjari max-Xhieda taʼ Jehovah, l-avukat kiteb: “Inkun ferm grat jekk tibagħtuli ftit materjal li nistaʼ nagħti lill-klijenti tiegħi biex ngħinhom jirriflettu fuq is-serjetà taż-żwieġ, jerġgħu jaħsbu dwar id-deċiżjoni tagħhom, u jerġgħu jgawdu għal darb’oħra ħajja paċifika u ferħana flimkien.”
Jekk tixtieq tirċievi pariri Bibliċi taʼ valur dwar kif tistaʼ tgawdi żwieġ taʼ suċċess, aħna nkunu ferħanin li nibagħtulek kopja tal-ktieb Is-Sigriet taʼ l-Hena fil-Familja. Dan il-ktieb jikkunsidra żewġ fatturi vitali li jagħmluha possibbli biex koppja jgħixu ferħanin flimkien u dan kollu jiftaħ il-bieb għal ħafna barkiet. Tistaʼ titlob kopja taʼ dan il-ktieb billi timla l-kupun t’hawnhekk u tibagħtu fl-indirizz li hemm fuq il-kupun jew fl-indirizz addattat imniżżel f’paġna 5 taʼ din ir-rivista.
□ Mingħajr ebda rbit nitlob kopja tal-ktieb Is-Sigriet taʼ l-Hena fil-Familja.
□ Jekk jogħġobkom ikkuntattjawni rigward studju tal-Bibbja fid-dar bla ħlas.