‘Mimli Veritajiet Prezzjużi’

Id-​direttur taʼ ospizju, dar għan-​nies morda bla tama taʼ fejqan, f’Illinois, l-​Istati Uniti, hekk iddeskrivieh il-​browxer Meta Xi Ħadd Li Tħobb Imut. Waħda mix-​Xhieda taʼ Jehovah bagħtitlu dan il-​browxer u kopja tar-​rivista Stenbaħ!, għax waqt li kienet qed taqra dik il-​ħarġa taʼ Stenbaħ! tgħallmet kemm is-​suwiċidju kellu rata għolja fost dawk imdaħħlin fiż-​żmien. Meta d-​direttur taʼ l-​ospizju rċieva l-​letteratura, hu wieġeb mill-​ewwel.

Wara li d-​direttur taʼ l-​ospizju ra li l-​browxer Meta Xi Ħadd Li Tħobb Imut kien mimli b’veritajiet prezzjużi, hu kiteb: “Inkun kuntent li kieku nagħtih . . . lill-​familji li jistgħu jkunu mfarrġin bl-​għerf prattiku u r-​referenzi u d-​diskussjonijiet Bibliċi li fih.”

Ix-Xhud mill-​ewwel ċemplet lid-​direttur u għamlet appuntament biex iżżuru personalment. Id-​direttur talab 20 kopja tal-​browxer u staqsa biex xi ħadd iżur l-​ospizju kull xahrejn jew tlieta sabiex jagħtih iktar kopji taʼ dan il-​browxer.

Forsi int jew xi ħadd li taf jistaʼ wkoll jirċievi faraġ jekk jaqra dan il-​browxer taʼ 32 paġna. Tistaʼ titlob kopja billi timla l-​kupun t’hawnhekk u tibagħtu fl-​indirizz muri fuq il-​kupun jew f’indirizz addattat imniżżel f’paġna 5 taʼ din ir-​rivista.

□ Mingħajr ebda rbit nitlob kopja tal-​browxer Meta Xi Ħadd Li Tħobb Imut.

□ Jekk jogħġobkom ikkuntattjawni rigward studju tal-​Bibbja fid-​dar bla ħlas.