Dibattitu Fuq it-​Televixin dwar ix-​Xhieda taʼ Jehovah

Matul is-​sena 2000 u l-​2001, fil-​pajjiż tal-​Ġeorġja, li qabel kien repubblika taʼ l-​Unjoni Sovjetika, beda attakk kbir fuq ix-​Xhieda taʼ Jehovah. Stazzjon televiżiv popolari tal-​Ġeorġja deher dibattitu bejn politikant li ried li x-​Xhieda jiġu projbiti u professur li kien ġie maħtur mill-​qorti biex jistudja l-​letteratura tax-​Xhieda.

Waqt li kien qed iwieġeb għall-​għadd t’akkużi rigward it-​twemmin tax-​Xhieda, il-​professur ipprotesta li dak li sostna l-​politikant ma kienx ħlief “paroli biss.” Imbagħad, waqt li qabad il-​ktieb Għarfien Li Jwassal Għall-​Ħajja Taʼ Dejjem biex jarawh it-​telespettaturi, hu qal: “Dan hu li jemmnu x-​Xhieda taʼ Jehovah.”

Il-professur imbagħad qabad jaqra l-​ewwel paragrafu tal-​ktieb, li fl-​aħħar tiegħu jgħid: “Għal ħafna, madankollu, il-​ħajja donnha li tippreżenta problema serja wara l-​oħra. Jekk dik kienet l-​esperjenza tiegħek, qawwi qalbek.”

Din il-​pubblikazzjoni tiġbed l-​attenzjoni lejn it-​tweġibiet li l-​Bibbja tagħti għall-​mistoqsijiet li jistaqsu ħafna nies. Per eżempju, ftit mit-​titli tal-​kapitli taʼ dan il-​ktieb huma: “Min Hu Dak Alla Veru?,” “Għala Nixjieħu u Mmutu?,” u “Alla Għala Jippermetti S-​Sofferenza?”

Tixtieq tirċievi kopja taʼ dan il-​ktieb taʼ 192 paġna biex tkun tistaʼ teżaminah inti stess? Tistaʼ titlob kopja billi timla l-​kupun t’hawnhekk u tibagħtu fl-​indirizz muri fuq il-​kupun jew f’indirizz addattat imniżżel f’paġna 5 taʼ din ir-​rivista.

□ Ibagħtuli kopja tal-​ktieb Għarfien Li Jwassal Għall-​Ħajja Taʼ Dejjem.

□ Jekk jogħġobkom ikkuntattjawni rigward studju tal-​Bibbja fid-​dar bla ħlas.