लोक एकमेकांचा इतका द्वेष का करतात?​—बायबल काय म्हणतं?

आजकाल बातम्यांमध्ये फक्‍त द्वेषपूर्ण भाषणं (हेट स्पीच), द्वेषामुळे होणारी हिंसा आणि गुन्हे (हेट क्राइम), तसंच जातीय वादामुळे होणारी हिंसा आणि युद्ध यांबद्दलच पाहायला मिळतं.

• “इस्त्रायल आणि गाझामध्ये होणाऱ्‍या युध्दामुळे आणि कट्टरवादी लोकांनी भडकवल्यामुळे सोशल मीडियावर द्वेषपूर्ण विधानांचं प्रमाण खूप वाढलंय”​—द न्यू यॉर्क टाईम्स, १५ नोव्हेंबर २०२३.

• “७ ऑक्टोबरपासून संपूर्ण जगात अचानक द्वेषपूर्ण भाषणांचं आणि द्वेषामुळे होणाऱ्‍या गुन्ह्यांचं प्रमाण कधी नव्हे इतकं वाढलंय. ही एक गंभीर आणि काळजी करण्यासारखी गोष्ट आहे.”​—डेनिस फ्रांसिस, संयुक्‍त राष्ट्राच्या महासभेचे अध्यक्ष, ३ नोव्हेंबर, २०२३.

द्वेषपूर्ण विधानं, हिंसा आणि युद्ध या गोष्टी काही नवीन नाहीत. आधीच्या काळातसुद्धा लोक ‘क्रूर शब्दांच्या बाणांनी’ एकमेकांवर हल्ला करायचे. तसंच ते हिंसा आणि युद्धसुद्धा करायचे, असं बायबलमध्ये म्हटलंय. (स्तोत्र ६४:३; १२०:७; १४०:१) त्यात हेसुद्धा सांगितलंय, की आज पाहायला मिळणारं द्वेषपूर्ण वातावरण एका खास गोष्टीकडे इशारा करतं.

द्वेष​—शेवटल्या दिवसांचं एक चिन्हं

आज लोक एकमेकांचा एवढा द्वेष का करतात याची दोन कारणं बायबलमध्ये सांगितली आहेत.

1. १. त्यात म्हटलंय शेवटच्या दिवसांत “पुष्कळांचं प्रेम थंड होईल.” (मत्तय २४:१२) आज आपणही अशाच काळात जगतोय. द्वेषाला खतपाणी मिळेल अशाप्रकारे लोकांचं वागणं-बोलणं आणि मनोवृत्ती आहे.​—२ तीमथ्य ३:१-५.

2. २. सैतानाचा जगावर वाईट प्रभाव आहे, म्हणून आपल्याला जगात इतका द्वेष पाहायला मिळतो. बायबल म्हणतं, “सगळं जग सैतानाच्या नियंत्रणात आहे.”​—१ योहान ५:१९; प्रकटीकरण १२:९, १२.

तसंच बायबलमध्ये असंही सांगितलंय, की देव द्वेषाला मुळापासून काढून टाकेल. आणि द्वेषामुळे सहन करावं लागत असलेलं दुःख तो कायमचं नाहीसं करेल. बायबल असंही अभिवचन देतं:

• देव “त्यांच्या डोळ्यांतून प्रत्येक अश्रू पुसून टाकेल. यापुढे कोणीही मरणार नाही, कोणीही शोक करणार नाही किंवा रडणार नाही आणि कोणतंच दुःख राहणार नाही. कारण, आधीच्या गोष्टी नाहीशा झाल्या आहेत.”​—प्रकटीकरण २१:४.