आपलं मन तयार करा

आपण जेव्हा बायबलचा अभ्यास करतो, तेव्हा आपल्या मनावर यहोवाच्या विचारांचा प्रभाव व्हावा अशी आपली इच्छा असते. याबाबतीत एज्राने एक चांगलं उदाहरण मांडलं. कारण त्याने “यहोवाच्या नियमशास्त्राचा अभ्यास करण्यासाठी . . . आपलं मन तयार केलं होतं.” (एज्रा ७:१०) मग आपण आपलं मन कसं तयार करू शकतो?

प्रार्थना करा. प्रत्येक वेळी अभ्यासाची सुरुवात प्रार्थनेने करा. शिकलेल्या गोष्टी समजून घ्यायला आणि त्या लागू करायला यहोवाकडे मदत मागा.—स्तो. ११९:१८, ३४.

नम्र राहा. जे गर्विष्ठपणे स्वतःच्या बुद्धीवर अवलंबून राहायचा प्रयत्न करतात, त्यांच्यापासून देव सत्य लपवून ठेवतो. (लूक १०:२१) इतरांवर छाप पाडण्यासाठी संशोधन करू नका. तुमची विचारसरणी देवाच्या विचारसरणीसारखी नसेल तर त्यात नम्रपणे बदल करा.

राज्यगीतं ऐका. संगीतात इतकी ताकद असते, की ते थेट आपल्या मनापर्यंत पोहोचू शकतं आणि त्यामुळे आपण उपासनेसाठी तयार होतो. अभ्यासाच्या सुरुवातीला राज्यगीतं गायल्यामुळे आपलं मन तयार करायला आपल्याला मदत होऊ शकते.