ख्रिस्ती जीवन
लग्न—आयुष्यभराची साथ
ख्रिस्ती पतीपत्नीच्या यशस्वी विवाहामुळे यहोवाचा सन्मान होतो आणि पतीपत्नींनाही त्यातून आनंद मिळतो. (मार्क १०:९) पण विवाह टिकून राहावा आणि तो आनंदी असावा, म्हणून यहोवाच्या सेवकांनी जोडीदाराची निवड करताना बायबल तत्त्वांचं पालन केलं पाहिजे.
बायबल असा सल्ला देतं, की ‘ऐन तारुण्याचा काळ ओसरल्यावरच’ लग्नाचा विचार करावा. कारण या काळात लैंगिक भावना तीव्र असल्यामुळे योग्य निर्णय घेणं कठीण जाऊ शकतं. (१कर ७:३६) याउलट, अविवाहित असताना देवासोबतचं नातं घट्ट् करायचा आणि ख्रिस्ती गुण विकसित करायचा प्रयत्न करणं सुज्ञतेचं ठरेल. असं केल्यामुळे पुढे तुम्हाला एक चांगला जोडीदार बनता येईल आणि तुमचा विवाह यशस्वी होईल.
लग्नाचा निर्णय घेण्याआधी, भावी जोडीदाराला जाणून घेण्यासाठी पुरेसा वेळ घ्या. “मनातल्या गुप्त व्यक्तीला” ओळखायचा प्रयत्न करा. (१पेत्र ३:४) जर तुम्हाला असं वाटलं की एखाद्या गोष्टीमुळे पुढे मोठी समस्या निर्माण होऊ शकते, तर तुमच्या भावी जोडीदाराशी याबद्दल चर्चा करा. (फिलि २:३, ४) कोणतंही नातं यशस्वी होण्यासाठी, त्या नात्यातून मला काय मिळेल याचा विचार करण्यापेक्षा मला काय देता येईल याकडे लक्ष देणं जास्त महत्त्वाचंय. वैवाहिक नात्याबद्दलही हेच खरंय. जर लग्नाआधी तुम्ही बायबलच्या तत्त्वांप्रमाणे वागलात, तर पुढेही तसं करत राहणं तुम्हाला सोपं जाईल आणि यामुळे तुमचं वैवाहिक जीवन आनंदी होईल.
वैवाहिक जीवनाची तयारी—भाग ३: ‘खर्चाचा हिशोब लावा’ हा व्हिडिओ पाहा आणि खाली दिलेल्या प्रश्नांची उत्तरं द्या:
व्हिडिओत दाखवलेल्या बहिणीची सॅमसोबत ओळख कशी वाढली?
ओळख वाढल्यावर कोणत्या गोष्टी तिच्या लक्षात आल्या?
तिच्या आईवडिलांनी तिला कशी मदत केली आणि तिने कोणता योग्य निर्णय घेतला?