‘देवाला माझी काही किंमत आहे का?’
“माझी काही किंमत आहे का? देवाला काळजी आहे का?” हे होते, आजचा ख्रिस्ती धर्म (इंग्रजी) या नियतकालिकात प्रकाशित झालेल्या एका लेखाचे शीर्षक. यात लेखक फिलिप्प यॅन्सी म्हणतात, “लेखक या नात्याने, माझे बहुतांश करियर, वेदनेच्या समस्येशी निगडित होते. जणू कधीही न भरणाऱ्या जखमेला हात लावण्यासारखे, मी पुन्हा पुन्हा त्याच प्रश्नांकडे वळतो. माझ्या पुस्तकांचे वाचक मला पत्रे लिहितात व त्यांच्या मर्मभेदक कहाण्या, माझ्या शंकांना मानवी स्वरूप देतात.”
कदाचित तुम्हीसुद्धा देवाला तुमच्या जीवनात वाटणाऱ्या आस्थेविषयी विचार केला असावा. “देवाने जगावर एवढी प्रीति केली की, त्याने आपला एकुलता एक पुत्र दिला,” असे म्हणणाऱ्या योहान ३:१६ या वचनाशी तर तुम्ही परिचित असालच. किंवा तुम्ही मत्तय २०:२८ वाचले असावे, ज्यात येशू, “पुष्कळांच्या खंडणीसाठी आपला प्राण अर्पण करण्यास आला” असे सांगण्यात आले आहे. तरीसुद्धा तुम्ही विचाराल, ‘देव माझी दखल घेतो का? माझी, एक व्यक्ती या नात्याने त्याला काळजी आहे का?’ होय आहे, व यावर विश्वास करण्याजोगी ग्राह्य कारणे आपण आता पाहणार आहोत.