‘तू माझं मंदिर अशुद्ध केलंस’​—शुद्ध उपासना भ्रष्ट झाली

यहोवाचं इस्राएली लोकांवर प्रेम होतं आणि तो त्यांची काळजी घ्यायचा. तो त्यांना “मौल्यवान संपत्ती” समजायचा. (निर्ग. १९:५, तळटीप) पण इस्राएली लोकांनी काय केलं? जे मंदिर खरंतर यहोवाचं होतं तिथेच ते खोट्या दैवतांची उपासना करू लागले! असं करून त्यांनी यहोवाचं मन दुखावलं आणि त्याच्या नावाची बदनामी केली. पण इस्राएली लोक इतक्या खालच्या थराला कसे गेले? यहेज्केलने यरुशलेमच्या नाशाबद्दल केलेल्या भविष्यवाणीतून आपण काय शिकू शकतो? आणि इस्राएली लोकांनी आजूबाजूच्या राष्ट्रांसोबत जे संबंध ठेवले त्यातून आपण कोणते धडे घेऊ शकतो? या प्रश्‍नांची उत्तरं आपल्याला या भागातून मिळतील.