पृथ्वीवर येणारं राज्य

हे कोणाचं राज्य आहे?— बरोबर. देवाचं राज्य! ते पृथ्वीला नंदनवन बनवणार आहे. आणखी सांगू का तुला या राज्याबद्दल?—

प्रत्येक राज्याचा एक राजा असतो. हा राजा लोकांवर राज्य करतो. देवाच्या राज्याचा राजा कोण आहे माहीतंय तुला?— येशू ख्रिस्त! तो स्वर्गात राहतो. लवकरच तो पृथ्वीवर राहणाऱ्‍या सर्वांवर राज्य करेल. येशू पृथ्वीवर राज्य करायला लागेल तेव्हा सगळे लोक खूश होतील का?—

हो. नंदनवनात कुणीही एकमेकांबरोबर भांडणार नाही. आपण एकमेकांवर प्रेम करू. तिथं कुणीही आजारी पडणार नाही, मरणार नाही. अंधळ्या लोकांना दिसू लागेल, बहिऱ्‍या लोकांना ऐकू येईल आणि ज्यांना चालता येत नाही ते लोक उड्या मारतील, पळतील. आपल्याला खायला भरपूर असेल. प्राणी एकमेकांना खाणार नाहीत, ते एकमेकांचे आणि आपलेही फ्रेंड्‌स बनतील. मेलेल्या लोकांना परत जिवंत केलं जाईल. तेव्हा आपण रिबका, राहाब, दावीद आणि एलीया यांना भेटू. या ब्रोशरमध्ये आपण त्यांच्याबद्दल शिकलो. तुला आवडेल का त्यांना भेटायला?—

यहोवाचं तुझ्यावर खूप प्रेम आहे. तू खूश राहावं असं त्याला वाटतं. तू जर यहोवाबद्दल असंच शिकत राहिलास, त्याचं ऐकत राहिलास तर तुला या सुंदर नंदनवनात राहता येईल. राहायला आवडेल का तुला या नंदनवनात?—